ڕۊو دووەشەممەی جە ڕۊی یووەم و گېڵای ئازاڎینە ژمارېوە فرە جە گەنجا کورڎی ئینترناسیۊنالیستی کە جە چنڎین ۋڵاتۍ ئۊروپیېوە ئامېبېنۍ جە شاروو دۊرتمۊندو ئەڵمانیاینە کۊیۍ بیېوەو پەی ئازاڎیی جەستەیی ڕابەر ئاپۊی دەسشا بە ڕاپیمای کەرڎ و جە شاروو  بوخۊمی دمایشا بە ڕۊی یووەم و گېڵاکەیشا ئارڎ.

جە وەختوو ڕاپیماکەینە گەنجەکۍ سەرەمڕە دروشمەو "بژیۋۊ سەرۊک ئاپۊ"ی واچېنېوە.

ڕاپیماکەی پۍ چن ڕووېوە ۋەردەوامیش بۊ گەنجەکۍ داواو بەشڎاربیەیشا کەرڎ جە گېڵاکەیشانە و ئەرەیاۋناشا، تا ئازاڎیی جەستەیی ڕابەر ئاپۊی ۋەردەوامۍ بیمۍ جە کۊشیای.

گەنجەکۍ دماو چن جارۍ جە ئیسراحەتی، جە وېستگەو قیتاروو شاروو بوخۊمی دمایشا بە ڕۊو یووەم و گېڵاکەیشا ئارڎ و قەرارا ئارۆ بەرەو شاروو ئەسەنی درېژە بە ڕاپیمەکەیشا بڎا.