ناوەندوو ئەرەیاونای و چاپەمەنیی هەپەگەی بارەو چالاکییەکاوە ئی زانیاریێشا وەڵا کەرڎێوە:

"هەرێموو گەشمەرڎە دەلیلوو وەرنیشتوو زاپی؛

٢٨وو ئەیلوولی، سەعات ١١:٠٥ و ١١:٥٠، جە مەیدانوو مدرامانوو کەشوو جودیینە، دووۍ جارۍ بە چەکی قورس وەنەو ئەرەگیرا دریا.

٢٨وو ئەیلوولی سەعات ١٩:٠٠، جە مەیدانوو مدرامانوو کەشوو جودینە، بە نیشانەماڕۍ ئەرەگیرۍ کریۍ ئامانج، جە ئەنجامنە ئەرەگیرێوە سزا دریا.

٢٨وو ئەیلوولی، سەعات ١٩:٣٠ و ٢٢:١٥، مەیدانوو مدرامانوو کەشوو جودیینە، چالاکیی نیشانەماڕۍ کریا، جە ئەنجامنە ٢ ئەرەگیرۍ سزا دریۍ. چالاکییەکۍ هێزەکاو یەژا ستاریما کەرڎۍ.

٢٨وو ئەیلوولی، سەعات ٢٠:٣٠، مەیدانوو مدرامانوو کەشوو ئامێدی-ینە، بە نیشانەماڕۍ ئەرەگیرۍ کریۍ ئامانج و ئەرەگیرێوە سزا دریا.

هجوومەکاو سوپاو تورکی ئەرەگیری بە تەقەمەنیی قەدەغەکریا؛

٢٧وو ئەیلوولی، سەعات ٠٨:٠٠، ١٢:٠٠، ١٢:٣٠ و ١٤:٣٠، ھەرێموو مەتیناینە، ٤ جارۍ بە فڕۊکەی بێفڕۊکەوان هێرش کریا سەروو تونێلەکاو جەنگی جە مەیدانوو مدرامانوو کەشوو چارچەلینە.

٢٨وو ئەیلوولی سەعات ١٥:٢٠ و ١٦:٤٠، هەرێموو گەشمەرڎە دەلیلوو وەرنیشتوو زاپینە، ٤ جارۍ بە فڕۊکەی بێفڕۊکەوان بۊردومانوو تونێلەکاو جەنگی مەیدانوو مدرامانوو کەشوو ئامێدی کریا. هێزەکێما ٣ جارۍ وەنەو فڕۊکە بێفڕۊکەوانەکا ئامێوە دەسۍ.  

هجوومەکاو سوپاو تورکی ئەرەگیری؛

٢٨وو ئەیلوولی، جارێوە مەیدانوو کەشوو ھیوای جە ھەرێموو قەندیلی بە فڕۊکەی جەنگی بۊردومان کریا.

ھەرێمەکاو زاپی، گەشمەرڎە دەلیلوو وەرنیشتوو زاپی و مەتینای تۊپوارانۍ کریۍ.

س.ز