مەجلیسوو گەلوو کوردی بە بۆنەو ساڵیادوو گەشمەردەبییەی ئەنداموو کۆنسەو سەرۆکایەتیی گردینوو کەجەکەی و ئەنداموو کۆمیتەی ناوەندیی پەکەکەی دیارغەریب (هەڵمەت)، کە ٥ و تەمووزو ٢٠١٩ گەشمەردە بی، چالاکیی یادکەردەیوەش ڕێک وست.

چندین کەسێ بەشدارێ یادەکەی بێنێ جە ناوەندوو جڤاکی کوردینە. یادەکە بە دەیەقێوە ڕێزگێرتەی جە  گەشمەرداو شۆڕشوو کوردستانی دەسش پەنە کەرد و سینڤزیۆنێو دەربارەو دیار غەریبی نیشانە دریا.

 یادەکەنە بەردەوام درووشموو "گەشمەردێ نمەمرا" بەرز کریێوە، بە نامێ جڤاکی کوردیوە قسێ کریا و ئەوەخوای کریاوە، کە دیار غەریب بە هەڵوێست و کۆشیاکەیش داراو بەهایێوە گرنگیین دلێ کۆشیای ئازادیینە.

ئاماژە پانەیە کریا، کە دیار غەریب جە وەڵاتپارێزنیی کوردستانینە دا پاگێرتەیرە و ئازادی و مدرامانا دژوو خیانەتی و هامکاری، وچیا: "گەشمەردە هەڵمەت سیمبولوو مدرامانیین دژوو ئەرەگیرکاری و خیانەتی. پەوکای کریا ئامانجوو دەسێوی هامکار و خیانەتکاری. پێسە کوردێوە ڕاو مدرامانیوە وێش ئازاد کەرد و کەسێتیی وێشش بنیات نیاوە. جەنگاوەر و پارێزنەروو کوردستانی ئازادی بێ. بە ژیوای و هەڵوێست و هەوڵە فرەکاش پەی یۆبییەیی نەتەوەیی گەلوو کوردستانی، میراتێوی گەورەش پەی ڕۆڵەکاو کوردستانی جیا ئاست".

دمایی شاعیروو کوردی ڕێناس کە نزیکۆ گەشمەردەش ئشناسابێ، شیعرێوەش دەربارەو گەشمەردەی واناوە و واتش: "هامڕا هەڵمەت ڕۆشنویر و تارێخنویس و نامێ فیداکاری و مدرامانینە، پاگێرتەیرەین سەروو ئازادی".