هه‌په‌گه ئشناسنامەو دووۍ گه‌ریلا گەشمەرڎا، كه جە ئاڤاشیننە گەشمەرڎۍ بیێنۍ ئاشكرا كەرد و ئەرەیاوناش، "ئا هامڕێما كه جه‌نگاوه‌رۍ ئاپۊیۍ بێنۍ، هەرمانە و وەرپەرسیی وێشا یاونا یاگۍ و لووۍ كارەوانوو نه‌مرا‌وه".
ناوه‌ندوو ئەرەیاونای و چاپه‌مه‌نیی هه‌په‌گه‌ی ئشناسنامەو دووۍ گه‌ریلا گەشمەرڎاش وەڵا کەرڎۊ، كه ڕۊو ٧ حوزه‌یرانوو ٢٠٢٣ ئاڤاشیننە گەشمەرڎۍ بیۍ.
جە ئەرەیاونیاکەو هەپەگەینە ئامان:
"جه هجووموو دوژمنینە، كه ڕۊو ٧ حوزه‌یرانوو ٢٠٢٣ هه‌رێموو ئاڤاشینینە کریا، هامڕێما ده‌ڤریم گارزان و سیڎار ئامه‌د، ئه‌ندامۍ فه‌رمانده‌یی ئه‌یلایه‌توو ئاڤاشینی گەشمەرڎۍ بیۍ. هامڕاما ده‌ڤریم ماوۍ فرە هه‌رێموو ئاڤاشینینە بۍ و گردوو كۊشیایەکانە به‌شداری کەرۍ. هاورۍ ده‌ڤریم له مامڕه‌شۊ هه‌تاكوو وه‌رخێل فرەو مەنتێقەکانە جه دژوو ئەرەگیرا كۊشیای گیانبازییش کەرد و پێسە فه‌رماندۍ گه‌نجاو گه‌ریلایه‌تیی سه‌رده‌می تازەی، لوا دلۍ تاریخوو كۊشیایماوە. هامڕا ده‌ڤریم كه جە وەختە دژواره‌كاو هجوومە ئەرەگیرییەکانە پەی سووکكەرڎەی هەرمانەو ڕەفێقەکاش سه‌نگه‌ره‌كاو مدرامانینە، سەرمەشقایەتی بەیاگەیاونای تاكتیكوو گه‌ریلاو سه‌رده‌می تازەی کەرۍ، ئا عەلەمەو كۊشیایە كه جومالی، بۊتان، سه‌رحه‌د و چاڤر به میرات مەنێبێوە خاسخاسۍ شۊکنێشۊ.
هامڕاما سیڎار كوڕی جوانمێروو ئامه‌دی، به به‌شداریكەرڎەی گیانبازانه‌ش جە هه‌ڵمه‌تەی شۊڕشگێڵنیی هه‌ڵۊكاو زاگرۊسینە، به ئێراده، به‌جۊشوخرۊشۊ، ماوێوە کوڵنە بی بە گه‌ریلێوە چەنەئاما. پێسە جه‌نگاوه‌رێوە ئاپۊیی، به‌شداری فرەو چالاكییەکاو دژوو دوژمنی كەرۍ، هەرمانە و وەرپەرسیی وێش پ تا لوا كارەوانوو نه‌مرا‌وه.
وەعد مدەیمۍ كه وەرموو ئازاڎیی گه‌له‌كه‌یما، كه ساعیبوو كۊشه‌رە قاره‌مانە چینیشان، بارمۍ دی. پەرسه و سه‌ره‌وەشیی وێما ئاڕاسته‌و بنه‌یانەی ئازیزوو هامڕایاما ده‌ڤریم و سیڎار و گردوو گه‌لی وەڵاتپارێزنوو كورڎسانی کەرمۍ.
ئشناسنامەو هامڕا گەشمەرڎەکاما پێسنەن:
ئشناسنامێ: ده‌ڤریم گارزان
نامۍ و دمانامێ: بیلال ئۊنات
یاگۍ پەیڎابییەی: ئێلیح
نامۍ ئەڎۍ و تاتەی: لەتیفە - چه‌نگیز
وەخت و شۊنەو گەشمەرڎەبییەی: ٧ حوزەیرانوو ٢٠٢٣ / ئاڤاشین
ئشناسنامێ: سیڎار ئامەد
نامۍ و دمانامێ: مەزڵوم یڵماز
یاگۍ پەیڎابییەی: ئامەد
نامۍ ئەڎۍ و تاتەی: عەزیزە - محه‌مه‌د
وەخت و شۊنەو گەشمەرڎەبییەی: ٧ حوزەیرانوو ٢٠٢٣ / ئاڤاشین
س.ز
