هجومەکۍ دەوڵەتوو تورکی پۍ سەروو مەنتیقە مەدەنیەکا و چېرخان و سەرنیشت و ۋەرکەوتوو سوریای بەردەوامېنۍ. هجومەکۍ شەوەی ویەردەی پی جۊرە بېنۍ:

 دێرک

 فڕۆکە جەنگییەکۍ دەوڵەتوو تورکی ئەرەگیری، ناوەنڎوو ئاسایش و دەگاو کۆچەراتی سەر بە شارۊچکڵەو دێریکیشا بۆردومان کەرڎ. جە ئاکام و هجومەکەینە خەڵکێوە فرە زامڎارۍ بیۍ. زامڎارەکۍ فاڕیېوە پۍ خەسەخانەو فریاکۊتەی پۍ دای پەنەو ۋنۍ و چارەسەری.

 فڕۆکە جەنگییەکۍ بیرێوە نەوتېشا جە دەگاو تەقل بەقلی سەر بە مەنتیقەو دێریکی بۆردومان کەرڎ.

عەین عیسا

سوپاو ئەررەگیری تورکی ناوەنڎوو مەنتیقەو عەین عیسای و ڕاو ئێم فۆریشا بۆردومان کەرڎ.

تربەسپی

 فڕۆکە جەنگییەکۍ دەوڵەتوو ئەرەگیری تورکی وێستگەکۍ گازوو عەودەی و گردەهۆڵیشا جە ۋەرکەوتوو تەربەسپی بۆردومان کەرڎۍ. جە وێستگەو گازوو عەودەینە حەسەل محەممەڎ عمر ٦٠ ساڵان زامڎار بی.

تل تەمر

دەگاکۍ تیل تلی و تاولێ و گۆزەلیێ جە ۋەرنیشتوو تل تەمری و حەرپاسە دەگاو دردارای جە سەرنیشتوو مەنتیقەکەی بە چەکی قورس بۆردومان کریۍ.

کۆبانێ

 دەوڵەتوو تورکی ئەرەگیری دەگاکۍ تل شیری و خورخوری جە ۋەرنیشتوو کۆبانێ و دەگاکۍ گۆرانی و خربیسانیش جە ۋەرکەوتوو شارەکەی بۆردومان کەرڎۍ.

منبج

 ناوەنڎوو پەیوەندییەکا ئەنجوومەنی سەروازی منبجی ئەرەیاۋناش، دەوڵەتوو ئەرەگیروو تورکی دەگاکۍ سەیادەی و ئەل جاتی جە سەرنیشتوو مەنبەجی بۆردومان کەرڎەن.

شەهبا

 دەوڵەتوو تورکی و چەتەکېش مەنتیقەو تل ڕەعفەتی و دەگاکۍ شێخ عیسای و عەین دەقنێ و بەلوونیەیش جە هەرێموو شەهبای و فڕۆکەخانەو منخیشا بۆردومان کەرڎۍ.

 عامودێ

 دەگاکۍ چۆلدارای و هەرمی و شێخۆی سەر بە شاروو عامودێ بۆردومان کریۍ.

حەسەکە

سوپاو ئەرەگیری تورکی و چەتەکۍ مەنتیقەو زرگانی حەسەکەی، دەگاکۍ تل هرملی، ئەسەدییە، مشێرفە، زۆراڤا، تل جەهان، ڕۆتان، زگران و ڕابیاتەیشا بۆردومان کەرڎۍ.