هېزی پۆلیسو یۆنانی هۊرش کوا سەرو کەمپو لاڤریۆی نزیک بە ئەسینای پایتەختی، کە فرەینەو پەنابەرەکاش کورڎېنۍ و چا کەمپەنە ئەرەنیشتېنۍ و کەمپەکەشا چۆڵکەرڎ. کورڎسانیا  و فرېۋە جە ڕکوزیا مەڎەنیەکا پۍ ناڕەزایی بەربڕیەی ۋەران ۋەر پا هجومەیە ڕاپیمایېشا ڕێکوست.

ڕاپیماکەی جە مېڎانو ئەکادیمیاینە دەسش پنەکەرڎ و حەتا ۋەردەمو پەرلەمانو ئەسینای پایتەختی ۋەردەوام بۍ. چاکە کۆنفڕانسێۋە ڕۊنامەوانی سازکریا.

ۋېنیشاندەرەکۍ ئاماژەشا پانەی کەرڎ، هۊرکوای پۆلیسی پۍ سەرو کەمپەکەی جە ئاکامو کۊبیەیۊ دەوڵەتو تورکی و ناتۆی ئامان ئاراوە، جە چالاکییەکەنە بە ۋەردەوامی دروشمەکۍ " بژیۋۊ مدرامانو گەلوو کورڎی"، "بۍ سەرۆکی ژیای مەبۊ" و "بژیۋۊ سەرۆک ئاپۆ" ی ۋچیېۋە.

هـ . ش