حەلەبنە هەزاران کەسێ پەی عەفرینی ڕاشا پیما
هەزاران ئەرەنیشتێ حەلەبی ئەرەگیرکاریی دەوڵەتوو تورکیشا پەی سەروو عەفرینی و تاوانە مرۆییەکاو سەروو حەلەبی و بێدەنگیی گلێرگەی میاننەتەوەییشا شەرمەزار کەرد.
حەلەبنە بە بۆنەو ٦ەمین ساڵیادو ئەرەگیرکاریی دەوڵەتو تورکیوە سەرو عەفرینی ڕاپیماێوە کریا.
ڕاپیمایەکەینە ڕسموو ڕابەرو گەلوو کوردی عەبدوڵا ئۆجالانی و گەشمەرداو مدرامانوو سەردەمی و پانکارتو "نا پەی ئەرەگیرکەریی تورک"ی و "نا پەی ئەرەگیرکەردەی عەفرین"ی و عەفرین شکۆو ئێمەن، مپارێزنمێ" و "دژوو ئەرەگیرکاریی تورکی ئەرەپڕدێ و خاکوو سوریاینە بەرش بکەردێ" بەرزێ کریێوە.
گەنجاو ڕیزو وەڵێ ڕاپیمایەکەی کەلیمێ "عەفرین"یشا بەرز کەردۆ کە پیتەکێش جە چڵە زەیتوونا وەشێ کریێبێنێ.
لە کۆڵانەکاو گەڕەکەو شێخ مەقسودی و ئەشرەفیەی درووشموو "بێ سەرۆکی ژیوای نمەبۆ" و "گەشمەردێ نمەمرا" و "بژیوۆ مدرامانوو سەردەمی" و "گەشمەردە ئەحمەد خالد ئینا دڵمانە" و "بێ عەفرینی ژیوای نمەبۆ" بەرزێ کریێوە.
کۆچبەروو عەفرین بەهجەت عەبدۆ گەشمەرداو مدرامانو سەردەمیش یادێ کەردێوە، واتش ڕوسیا و ئێران هجوومەکاو دەوڵەتوو تورکینە دەورشا بییەن و واتش: "گردوو دەوڵەتەکا بە بێدەنگیی وێشا خاکەکەما ئەرەگیرشا کەرد".
عەبدۆ واتش: "ئی تاریکییە سەروو هەرێمەکەیماوە ورگێرمێ و ئاشتی مگێڵنمێوە. ئەرەگیرکاری ماڕمێ، هامشانوو هێزەکاو ڕزگاریی عەفرینی بە سەربەرزی مگێڵمێوە".
ئەندامەو مەجلیسوو بنەیانەوی گەشمەردا، ڕەمزیە ساڵەح ئەلکوردییە بانگەوازش وەنەو نەتەوە یۆگێرتەکا و هێزە دیموکراتیکەکا کەرد وەرپەرسیی وێشا بیاونا یاگێ و ئەرەگیرکاریی تورکی دمایی پەنە بارا و گێڵایۆیێ سڵامەت پەی عەفرینییەکا مسۆگەر بکەرا.
