جەسەروبەنڎو یۋەم ساڵوەگېڵ و سەرهۊردای "ژەنی، ژیای، ئازاڎیی"،هېزەکۍ سەر بەدەسەڵاتی، حەملېوە تازەو گېرتەیشا جە ۋەرکەوتوو کورڎسانی دەسپنەکەرڎەن و ڕووانە دەیان هاموڵاتیۍ و چالاکۍ بەبۍ نیشاندای حیچ ئەمرۍ داڎوەری گېریا، پۍ یاگۍ نا دیارېشا بەرا.

بەپاو ماڵپەڕو تۊڕەو مافو مرۊڤی جە کورڎسان، جە مابەینو ١٥ پۍ ١٩ و ئابی، هېزەکۍ سەربەدەوڵەتو ئېرانی، ٥ چالاکېش بەنامەکا ئامانج خەستە، خەڵک و دەگاو گۊگ تەپەی مەهابادی، زانا پەروانە خەڵک و شارو مەریوانی، موعین فەقیهی خەڵک و جوانڕۊی، حسام کەریمی خەڵک و دەگاو چرۊسانەی کامیارانی گېرتېنۍ.

ئاماژە پانەیچ کریان، ئا چالاکۍ بەبۍ ئانەی حیچ ئەمرۍ گېرتەیشا بۊ و ئا تۊمەتۍ کە ئاڕاسەشا کریېنۍ، گیریېنۍ و پۍ یاگۍ نا دیاری بریېنۍ.

حەر بەپاو زانیاریەکا ماڵپەڕەکەی، ماوەو ١٠ ڕووا ۋیەرڎەینە، لاو کەمیۊ ٢٨ چالاکۍ و هاموڵاتیۍ کورڎی جە شارەکا تاران، پیرانشار، جوانڕۊ، کامیاران، شنۊ، مەهاباد و سنەنە جەلایەنو هېزە ئەمنیەکاوە گیریېنۍ.

هـ.ش