هیوا هەورامان، گەریلاو هەپەگەی جەبارەو  ساڵوەگېلو هەڵمەتەو ١٥ و ئابیۊ پۍ ئاژانسوو هەواڵی فراتی قسېش کەرڎۍ و ۋاتش:''جە یۋەم گوللۍ فەرمانڎە عەگیدیۊ تا ئارۊ ٤٠ ساڵېن جە کورڎسانەنە کۊشیایۍ سەرەمڕە ملۊ ڕاوە. ئاماژەش پانەیچ کەرڎ، گۊرەتەرین جواب پۍ دوژمنی، کە چوارپارچەو کورڎسانیشا ئەرەگیر کەرڎەن، هەڵمەتەو ١٥ و ئابی بۍ.

هیوا هەورامان ۋاتیچش:''وەڵۍ هەڵمەتەو ١٥ و ئابینە گرڎوو سەرهۊرداکا گەلوو کورڎی جە بەین بریۍ. دەوڵەتو ترکی کۊکوشیۍ فرېش کورڎسانەنە کەرڎۍ. ئیراڎەو گەلوو کورڎی کپ کریا و سیاسەتەکۍ کۊکوشی هەڵای جا بەجۍ کریېنۍ. بەڵام دماو ئەرەمەرزناو پەکەکەی، بەتایبەت مدرامانو زینڎانەکا کاریگەریۍ فرەش سەرو گەلی بۍ. هەڵمەتەو ١٥ و ئابی، صەڎاو مدرامان و زینڎانەکاش یاۋنا بە گرڎوو دنیۍ''.

هیوا ئاماژەش پانەیچ کەرڎ،"بناغەو ئاخېزوو ۋەرنیشتی، کە چنەشەنە چەتەکۍ داعشی دلېنەبریۍ، جە ١٥ و ئابینە نریارە.ئیسە گرڎوو دنیۍ گەلوو کورڎی مشناسۊ و ڕېز جە کۊشیا گەلوو کورڎی گېرا. ئینۍ گرڎ جە سایەو یوەم گوللۍ فەرمانڎە عەگیدیۊ ئاما دی. حەرپاسە هەڵمەتەو ١٥ و ئابی سەرهۊرداو گەلوو کورڎی ۋێنا کەرۊ. هە ڵمەتەو ١٥ و ئابی هیواو ئازاڎیش خوڵقنا. ١٥ و ئابی ڕۊو ئازاڎیی گەلوو کورڎیا. ڕۊو سەر جەنۊ جە ئەڎابیەو گەلوو کورڎیا. پی بۊنۊ جارېوەتەر مبارەک بایی ئی جەژنۍ جە ڕابەر ئاپۊی، خانەواڎەو گەشمەرڎا، گەلەکەیما و گەریلای کەرو''.

هـ . ش