ما بەینو٤ پەی ٧و تەممووزینە شارو ڤێنلۆو هۆڵەنداینە فێستیڤاڵێوە ئەنجام دریا کە دەیان ئەرەمەزیێ پەیوەس بە خەباتو گلێرگە و ماتریارکاڵی پێسە و ماتری فۆرمی، ئەکادیمیاو هاگیای و ماتریڤاڵی بەشدارێ بێنێ.

فێستیڤاڵەکە بەنامنیشانو  "پەی ئایندە و گلێرگە و ئەڏێ" ئەنجام دریا، چنین پانێڵێ و وۆرک شۆپێ جە ماوەو چوار ڕوانە جە ڕوانگەو گلێرگە و ئەڏایێوە پێشکەشکریێ. یۆ جە ئەرەمەزیا بەشدار بییەکا ئەکادیمیاو ژنۆلۆژی بێ.

زیاتەر جە ٦٠٠ ژەنێ، پیا و زاڕۆڵێ بەشداری فێستیڤاڵەکەی بیێ. ژەنێ ناوچە جیاوازەکا جەهانی بە کلتوورو وێشاوە گفتوگۆ و ڕوانگەو وێشا وست ڕووە.

جە فێستیڤاڵەکەنە پەی جیهانێوە ئیکۆلۆژی، ئازادیوازی، یەکسانی و ئاشتی بانگەواز کریا. ئەندامە و ئەکادیمیای ژنۆلۆژی نەجیبە قەرەداخیە جە وۆرک شۆپەکەنە سەر و لایەنە تیۆری و پراکتیکییەکا گلێرگەو ئەڏێ قسێش کەردێ.

نەجیبە قەرەداخیە ئاماژەش بە پەیوەندی بەینو کلتوورو ئازادی و کلتوورو خوداوەندی جە ئەوەکۆشای ئازادی ژەنا جە کوردەسانەنە کەرد و دیالێکتێوە شۆڕشو ژەنا کوردەسانیش ڕۆشن کەردۆ. قەرەداخیە ئاماژەش پانەیشدا کە ئی دیالێکتە جە ئیسەنە ئینا ئاستو خوڵقناینە و ئاماژەش بە درووشموو 'ژەنی، ژیوای، ئازادی' کەرد کە بناغەکەش ئینا فەلسەفەو ژیوای ئازادی ڕابەر ئاپۆیۆ.

جنێڤیڤ ڤۆگانیچ جە چوارچێوەو بابەتو ئابووریی دیارینە ئەرەیاوناش، پەیوەندیی بەینو  ئەڏێ و زاڕۆڵەی نەخشە ڕا و بنەڕەتیی ژیوایما دیاری مکەرۆ.

جە گلێرگەی ڕەسەنی خۆجێینە کۆستاریکا ماریا سوارێز، هایدن کریستینا و لەیلا مۆرێنا باسو ئانەیشا کەرد کە چنین بە هەرمان کەردەی چنی گلێرگەکا بەهاو کلتووری و کۆمەڵایەتیی گلێرگەو ئەڏێ سەرجەنۆ زینێ باوە.

ئەوەکۆڵیا و نویسەرە ئانین ڤان دێر میرە  سیمینارێوەش سەر و ئەوەکۆڵییاکا تایبەت بە فیگرە خواوەندییەکا و گلێرگە وئەڏێ بەر وەڵێ ٤٠ هەزار ساڵا چێوەڵتەر، چێرو نامێ 'ما' پێشکەش کەرد.

بەشو کلتوور و کۆمەڵایەتیی فێستیڤاڵەکەینە شانۆ، کۆنسێرت، پێشانگا بێنێ کە ڕاشاوە ئاماژە بە تاریخ و سەردەمو ئیسە و گلێگە و ئەداێ کریێ.

جە فێستیڤاڵەکەنە پەی بەشداربییە و پیا وۆرکشۆپێوە تایبەت لواڕاوە. پەی زارۆڵاش بەرنامێوە تایبەت ئامادەکریا.

دمای فێستیڤاڵەکەینە کۆنسێرتێوە لواڕاوە و  بانگەواز جە ژەنا کریا کە وەراوەرو  جەنگ و میلیتاریزمی دەنگشا هوربڕا، وێشا یاونانە گلێرگێوە دیموکراتیک و ئاشتییانە.