سوپا ئەرەگێرەکەو تورکی و بە هامکاری (پەدەکە)ی، جە شەۋۍ ویەردێ تا بە ئارۆ جە زەمین و ئاسمانەوە هێرشش پەی سەرو هەرێمەکۍ پارێزناو میدیای جە دیمو پانیشتو کوردستانیەوە دەست پنەکەردەن.
جە هێرشەکەنە دەیان باڵەپڕۍ و چەرخباڵۍ و درۆنۍ، تەکنەلۆژیای وەڵێکەوتەی سەربازی و بەپ ەشتیوانی تۆپخانەی، بەکارئاورینۍ.
جە ئەی بارەوە دلینەو یاۋنەری و چاپەمەنی هێزەکانو پارێزناو گەلی (هەپەگە) ئەرەیونایوشدان و جەمیانشەنە بە فراوانی باس جە هێرشەکەی و مردامانو گەریلای و زیانەکۍ دوژمنی کریان بە ئی جۆرە:

سوپا ئەرەگێرەکەو تورکیای، چنڎین مانگېن، چوون ئامادەکاری پەی هێرشەکەیش،  بۆ سەر ناوچەکۍ (ئاڤاشین و زاپ)ی جە ئاسمان و زەمینەوە بۆردومانۍ و تۆپۋارانۍ مکەرۆنە.
جە  ١٤ تا ١٧و نیسانی ئا بۆردومانۍ و تۆپۋارانۍ قورستەرۍ و چڕتەرۍ بێنێوە.
جە وێرەگای ویەردەوە (١٨و نیسانی) هێریشی وەرفراوان جەزمین و ئاسمانەوە کریان سەرو هەرێمەکانو ئاڤاشین-ی و زاپ-ی.

"ئاڤاشین"

جە ١٧و نیسانی، سەعات ١٩:٠٠و شەۋۍ، ئەرەگێرکێ تورکی ٨ جارێ هەوڵشاندا بە چەرخباڵۍ سەربازی جە وەرخەلۍ سەر بە ئاڤاشین-ی بۋەزنارە. هامزمان بە چەرخباڵۍ و چەکۍ قورسۍ ناوچەکە بۆردمان کریا.
گەریلا دەسوبرد وەرانگاریش نیشانەدا و گورزی قورسش جە ئەرەگێرەکاندا و ژمارێوێشان چەنە سزێ دۍ و بریدارۍ کەردۍ.
دماتەر جە دەگاو وەرخەڵێی کوشیۍ و بریندارەکۍ بەهەلیکۆپەر جە میڎانو جەنگەکەی دوورۍ ۋزیێوە کە بە تەمامی ژماەشاننەزانیان.

سەعات ٠١:٢٠ نیمەوشەۋۍ، گەریلا بە چەکۍ تاکەکەسی و نیمچە ئۆتۆماتیک گورزشان جە ئەرەگێرەکان داوە کە گەرەشان بێ جە بەرزایی وەرخەڵێ یاگەگیرۍ ببانێ و جە ئاکامشەنە ٢ ئەرەگێرۍ تورکۍ سزۍ دریۍ.
دمای ئانەیە جە سەعات ٠٢:٤٥ دەمەوبەیانی ناوچەکە بە باڵەپڕۍ جەنگیۍ بۆردومان کریاوە.
شۆنیشەرە، سەعات ٠٣:١٠ دەیەقۍ، جە وەرخەلێ هێزەکێمان هێرشان کەردەوە سەرو دوژمنی کە ئامانجش بێ بە چەرخباڵۍ سەربازۍ بوزەنۆرە و کە ئاکامەنە ٨ ئەرەگێرۍ تەرێ سزێ دریێوە.

سەعات ٠٣:٤٠ دەیەقێ و جە هەمان ناوچەنە، دیسان گەریلاکێمان چالاکییەکیشان دژ بە تاقێ جە ئەرەگێرەکانو تورکی ئەنجامداوە کە سزادای ٢ ئەرەگێرێ و بریداربییەی ٣ تەرێ و ئەۋەکێشیای دوژمنیش ونەکەوتەوە.

سەعات ٠٤:٢٠، جارێوتەر جە هەمان یاگېنە، گەریلا پەلامارەو ئەرەگێرەکانیش داوە کە گەرەکشان بێ ناوچەکەی بگێرارە، بەڵام شکست دریێ و ناچارۍ ئەۋەکێشیای کریێ.

سەعات ٠٥:٠٠ دیسان بە چەکی تاکەسی گەریلا چالاکیش ئەنجامدا و ١ ئەرەگێر سزا دریا.
ئارۆ سەعات ٠٩:٤٠ دەیەقێ، دیسان جە بەرزایی وەرخەلێ جەنگ ڕووەشداوە و تا ئەی ساتە جەنگەکە بەردەوامەن.

زاپ

جە ١٤ تا ١٧و نیسان، دوژمن بە باڵەپڕۍ جەنگیۍ و تۆپخانە، بە قورسی (كوڕەژارۆ، شکەفتا برینداران، ئەرتووش، شەهید شیلان، كاركەر و چیای رەش) کریێنۍ ئامانج.
جە ١٧و نیسانی سوپا ئەرەگێرەکەو تورکی بە چەرخباڵۍ و درۆنۍ دەسش کەرد بە ئەرەگێرتەی ناوچەکەی.
هامزەمان جە سەرنیشتو کوردستانیەوە، (چیای رەش، ئەرتووش و شکەفتا برینداران) سەر بە هەرمێو زاپ-ی و (وەرخەلێ) سەر بە هەرێمو ئاڤاشین-ی،  بە چەرخباڵۍ جۆرو ”کوبرا“ی و تۆپخانۍ کریێنۍ ئامانج. هاموەخت بەچەرخباڵۍ سکۆرسكیۍ دوژمن هەوڵش دان سەربازێ بۋەزنۆرە. جە ۋەرانۋەنە گەریلاکێمان بە تنڎی ۋەرەنگارێشان بیێنێوە و  ئەرگێرەکێ و چەرخباڵەکۍ سوپا ئەرەگێرەکەو تورکیشان کەردێنۍ ئامانج و گورزشان جە (چەرخباڵ)ێوی دان.
هەر پاسە جە بەرزایی (شەهیدە شیلان)ێ، گەریلا گورزش جە (چەرخباڵ)ێوی تەری دان.

چەرخباڵە جەنگییەکێ و چەرخباڵە سکۆرسکییەکۍ جە شەرناخ و بامەڕنێ و ئامیدیێ-وە هۆرئێستێنێ و بە ئاسمانو  بامەرنێ، ئامێدیێ و دێرەلووك-یەرە سۆڕێنیێوە کە ئینێ چێرو دەسەڵاتداری (پەدەکە)یەنە. چند جارێ هەوڵی دریۍ جە ڕاو چەرخباڵییەوە هێز بۋەزنیۆرە، بەڵام گەریلا شکستشان بە سەرجەمیشاندا.

شۆنیەرە هێزە ئەرەگێرەکۍ تورکی پەی یەک جاری هێزشان جە بەرزایی (شەهید ئامارگ)ی  وەزنارە. بەڵام دەمودەس ژنە گەریلاکۍ یەکینەکۍ ژەنۍ ئازادۍ (یەژاستار) بە چەکی سوک ڕووبەڕووێشان بیێوە و جە ئاکامشنە ٣ ئەرەگێرۍ تورکۍ کوشیێ و ٤ی تەریچ بریندارۍ بیۍ. بەگردیی جە هەر دوۍ چالاکییەکەنە ٧ ئەرەگێرۍ سزێ دریێ.

هێرشەکۍ بە پەشتیوانی (پەدەکە)ی ئەنجامۍ مڎریانۍ

چەرخباڵەکۍ تورکی جە دلۍ سنورەکانو چێرو دەسەڵاتو (پەدەکە)ینە هۆرمێزانۍ؟و ئاسمانو ناوچە جەنگییەکانیەرە مسۆڕیانێوە. ئانەیچ نیشانە مڎۆنە کە پەدەکە پەشتیوان و هامکارو کەردە ئەرەگێریەکەو سوپاو تورکین.
ئەگەر پەدەکە هامکار و پەشتیوان نەبیۍ، سوپاو تورکی نەتاوێنە جە پەشتیەوە هێرش بکەرۆنە.
چەرخباڵەکۍ ڕژێمو تورکی، جە بارەگایەکۍ سیرێ و  شیلادزێ-وە هۆرئێستێنۍ و هەوڵشاندان تا هێز جە (كۆرەژارۆ) وەزنارە و یاگێریشان بکەرانۍ. بەڵام بە مدرامان و ۋەرگیری گەریلای ئا هەوڵە مایەپووچ کریانەوە. هەر پەوکەی شەۋۍ ۋیەردۍ، چەکدارەکۍ پەدەکە-ی بە مەبەستو هامکاری و پەشتیوانی جە سوپا شکستدریاکەو تورکی ڕوو بە (دێرەلووك و شێڵادزێ و بارزان) كەوتێنۍ ژڵێوە.

سەعات ٢١:٠٠و شەۋۍ ۋیەردۍ، دوژمن ٢ جارێ هەوڵش دان تا جە (كه‌ڤره‌كۆن) کە نزکەن جە (شکەفتا بریندارن) هێز بۋەزنۆرە.
بەڵام گەریلاکێمان ڕووبەووێشان بیێنێوە و دەورپێچێشان کەردێنۍ و گورزی قورشان ونە دێنۍ. جە ئاکامو ئانەیەنە ٥ ئەرەگێرۍ دوژمنی سزێ دریێنۍ و دەرنجام شکست بە هەوڵەکەی دریان.
جە هەمان ناوچەنە و سەعات ٢٢:٠٠ شەۋۍ، گەریلا جە هێزەکۍ دوژمنیشان دانەوە و ناچارێ ئەوەکێشیایشان کەردێنێ و ئانڎە کە زانیان، ٣ ئەرەگێرۍ سزێ درێنۍ و ٦ تەرێ زامدارێ بیێنۍ.
شۆنە ئانەیەرە، دوژمن ٤ جارێ شکەفتا بریندارانیش بۆردومان کەردەن.
جە ساتەکانو سەرسەبای ئارۆی، دیسان دوژمن هەوڵش داوە تا بە چەرخباڵۍ هێزەکاش جە شکەفتا برینداران و وەرخەلێ بوەزنۆراوە، بەڵام  سەرکەوتە نەبی و ناچار بە ئەوەکێشیای کریا.
هامکات جە (چیای ڕەش) گەریلاکێمان دژ بە هێزەکۍ ئەرەگێرەکۍ تورکی ٢ چالاکیێشان ئەنجامۍ دۍ و جە ئاکامشانە گورزی قورش دێنۍ ونە کە دماتەر جە ئابارەوە زانیاری وەڵاو مکەرمێنەوە.
جەلایێ تەرەوە، وەختێوە دوژمن هەوڵشداهێزەکانش بیاونۆنە چەمچۆ، گەریلا ڕووبەرووشان بییەوە و گورزی قورسش ونە دێوە و چەرخباڵێوێ جەنگی پێکیا و دوژمن ناچار بە ئاستەی جیای ناوچەکە کریا.
جە كوڕه‌ژارۆ، ٢ چەرخباڵۍ جەنگیۍ کە جە دێرلەلوکێ و بامەڕنێ-وە هۆرئێستێ بێنێ کریێ ئامانج و ناچارێ کریێ جە ناوچەکەی دوورێ بگنانێوە.

جە چوار شەوانە ڕوۍ ویەردێنە،  ١٤٧ جارێ هەرێمەکێ گەریلای بە باڵەپڕۍ و چەرخباڵۍ جەنگیۍ بۆردومانۍ کریێنۍ و بە بەردەوامی باڵەپڕۍ بێپیلۆتۍ بە ئاسمانو هەرێمەکارە سوڕیێنێوە و مسوڕیانێوە. جە زەمینیچەوە بە تۆپ و کاتیوشا هەمان هەرێمی کریێنۍ ئامانج.
کەمێو جەی وەڵتەر جە زاپ گەریلا جە دوژمنیش دانەوە و لانێ کەم ٤ ئەرەگێرۍ تورکی سزێ دریێنۍ. وردەکاری و زانیاری جەئی بارەوە بەزوویی وەڵاو مکەرمێوە.

هێرشەکە شکست دریان

بەگردیی قۆناخو یوەمو هێرشەکەو سه‌رو (ئاڤاشین و زاپ)ی بە مدرامانی قارەمانەو گەریلای شکست دریان و تائیستا لانی کەم ٣٢  ئەرەگێرۍ سوپاو تورکی سزێ دریێنۍ و ٩ تەرێ زامدارێ بیێنۍ و گورزیچ جە ٢ چەرخباڵ (هەلیکۆپتەر)ێ جەنگیۍ دریان.
جە ئیسەنە بە جەنگ بە دژواری بەردەوامەن و هێزەکێمان بە مدرامانی قارەمانانە ڕووبەڕووۍ دوژمنی مبانێوە.