ئەرەیاونیاو ناوەندوو عەرەیاونای و چاپەمەنیی هەپەگەی پێسنەن:  

"شەوەو ٥وو ئابی نزیکەو سەعات ٢١:٠٠ جە مەیڎانوو بانیکۍ هەفتانینینە گرووپێوە جە هامڕایاما پەی ئارڎەی پێویسییەکاشا  چەمێشا بە ملیسێوە کەوتەبۍ. چا یاگێنە کە ئا کەسە دیڎارەکەش ڕێک وستەبۍ، دیڎارێوە کوڵ کریا و دماو دابینکەرڎەی پێویستییەکا، ئا کەسەئاماژەپەیکریا لوان. دماتەر و کتوپڕ دووۍ شوێنی جیاجیێوە ئەو گرووپەو گەریلایاما بە چەک گولـلەوارانۍ کریێنۍ. جە ئەنجاموو ئا گولـلەوارانکەرڎەینە گولـلێوە وەروو سەرەو هامڕایما چیا ئاگری کەوت و هامڕا چیا یاگۍ ڕوودایەکەینە گەشمەرڎە بی. فیشەکێوەیچ وەروو سەرەو هامڕاما دڵگەشی کەوت و بەسەختی بریندار بی.

زانیاری بارەو شناسنامەو هامڕاما چیا ئاگریوە پێسنەن:

شناسنامێ: چیا ئاگری

نامۍ و دمانامێ: ئیسماعیل پوور مەحمووڎ

یاگۍ پەیڎابییەی: ماکو

نامۍ ئەڎۍ- تاتەی: کاری- مەحمووڎ

وەخت و شۊنەو گەشمەرڎەبییەی: ٥وو ئابوو ٢٠٢٣/ هەفتانین

ئا ڕووەدایە فرە نزیکووئاسایشوو بانیکێوە رووەش دا. بە ئەنقەست یاگێوە نزیکوو ئاسایشوو پەدەکەی دەسنیشان کریابۍ. ئا یاگۍ پێسە یاگۍ دیڎارەکەی نریێبێرە، دماو گێڵایۊ هامڕایاما چاگە، جە دوۍ یاگێوە تەقەشا وەنە کریا و گولـلۍ وەروو سەرەیشا کەوتۍ. ئینەیچ بەرش وزۊ کە ئا پیلانگێڵنییە بەرنامەپەیمجیارە بییەن. یاگێوە چانێنە کە ئامانجی سەرەکیی ئا پیلانگێڵییە، کە میت جە ڕاو بەکارئارڎەی پاراستنیوە پلانیش پەی نیابێرە، مزانیۊ کە گەرەکشانە ئا بڕوۍ هێزەکاماوە چا یاگانە وەش کەرا، کە جە ڕاو ئاسایشوو پەدەکەیۊ کریان بەینوو ئێمە و پەدەکەینە جەنگ ورگیسنا، پێسەیچ بەشێوە جە پەدەکەی چی پیلانگێڵییەنە بەشدارییش پەنە کریان.  

وەلۍ فەرماندەیی قەرارگەی ناوەندیی پارێزنای گەلی یەکەم دەیەقەوە دەسنیشانوو ئانەیشە کەرد، کە ئانە ڕەنگای گەمێوە دوژمنی بۊ و جیای ئانەیە کتوپڕ قسێش بارەوە کەرا، ئەرەیاوناش کە مشۊم خاس سەرشۊ کۊڵیاوە ڕۊشن کریۊوە، جە ئەنجامەنە بەرکەوت، کە ئانە گەرەشێونای و ئاژاوەنیایۊن پەی ئانەیە بەینوو ئێمە و پەدەکەینە جەنگ ورگیسیۊ، وەلۍ ئانە ڕۊشن بیەنۊ کە دەسوو پاراستنین. دەینش گنۊ گەرڎەنوو پەدەکەی. دەبێت ئانە ئاشکرا بکریۊ، کە ئا کەسۍ تیرۊرەکەشا کەرڎەن، چی بەتایبەتی پاڵوو ئاسایشوو پەدەکەینە یاگێشا ورچنیێنە و هجوومسا کەرڎەن سەروو هامڕایاما. فرە ئاشکرانکە ئانەشا کەرڎەن ئامانجێوە چەپەڵشا بییەن، پانەی بەینوو ڕێکوزیایەکانە جەنگ ورگیسنا. بەشێوە دلۍ پەدەکەینە پەیئانەی دلۍ کورڎانە جەنگ بنیاوە، دلۍ میتینە هەرمانە کەرا پێسە خزمەتوو دەوڵەتوو تورکی کەرا.

لە بارەو ڕووەدایەکەیۊ زانیاریی فرەتر بە گەلوو کوردی وەڵاتپارێزنی و ڕای گردینی ئەرەیاونمۍ".