هەپەگە ئشناسنامەو ئا گەریلایاشە ئاشکراکەرڎ کە جە باگۊک گەشمەرڎۍ بیۍ و ئەرەیاۋناش،" هامڕېما گوڵبەهارە، ئەیلەمە و دیجلۍ کە جە قورستەرین مېڎانەکانە خەباتشا کەرڎ، بە مەڵامەتو ئا تایبەتمەنڎیاشاوە بیۍ بە نمونەو گەریلای سەردەمۍ تازەو یەژاستاری".
ئەرەیاۋناکەو هەپەکەی پی جۊرەنە:
٤ و ئابو ٢٠٢٣ ېنە مېڎانو مدرامانو باگۊکینە جەمېردین، جە ئاکامو هجومېوە دوژمنینە فەرمانڎۍ سەرمەشقە و یەژاستاری گوڵبەهارە و حەردووە جەنگاوەرۍ گیانبازۍ ئاپۊیی و هامڕېما ئەیلەمە و دیجلە گەشمەرڎۍ بیۍ.
هامڕېما گوڵبەهارە، ئەیلەمە و دیجلە کە حەریۊشا جەنگاوەرۍ گیانبازەی ئاپۊیی بېنۍ. دلۍ کۊشیای ئازاڎییمانە کە ماۋېوە فرە دلېشەنە بەشڎارۍ بېنۍ، بە هەڵۋېسو بەشڎاربیەو قاڵبیەیۊیشا سەرو فەلسەفەو ئازاڎیی ژەنۍ ڕابەریما، بیۍ بە نمونە. ئا هامڕا بەنرخېما خەتەو ئازاڎیی پەکەکەی و پاژکی، ئایدۊلۊجیاو ڕزگاری ژەنۍ، ڕاسی ژەنۍ ئازاڎېشا جە کەسایەتی ۋېشانە نەخشنا. جە گرڎ خەباتېوەنە بە شېۋۍ فیدایی بەشڎاریشا کەرڎ بیۍ بە سەرمەشق، هامڕېما گوڵبەهارە، ئەیلەمە و دیجلە جە قورستەرین مېڎانەکانە ئەرکەکېشا ڕایی کەرڎۍ وپا تایبەتمەنڎیاوە بیۍ بە نمونەو گەریلایی سەردەمېوە تازەی.
سەرەتا سەرەوەشی جە خانەواڎەی بە نرخیشا کەرمۍ، کە جەنگاوەرۍ دەس ورچنۍ پېسە گوڵبەهارە، ئەیلەمە و دیجلەیشا کیاستۍ دلۍ کۊشیای ئازاڎیی گەلەکەیما، حەرپاسە سەرەوەشیچ جە گرڎوو گەلی ۋڵاڎپارېزو کورڎسانی کەرمۍ.
زانیاری سەرو ئشناسنامەو هامرا گەشمەرڎەکاماوە پی جۊرەنە:
ناسنامۍ / گوڵبەهار مەرجان-ە
نامۍ و دما نامۍ/ شەکریناز کاپڵان-ە
یاگۍ جە ئەڎابیەی / بەدلیس
نامۍ ئەڎۍ و نامۍ تاتەی / یران- ئیسکان
وەختو یاگۍ گەشمەرڎەبیەی / ٤ و ئابو ٢٠٢٣/مېردین
****
ناسنامۍ / ئەیلەم مونزورە
نامۍ و دما نامۍ/ ئەمینە کاپڵان-ە
یاگۍ جە ئەڎابیەی / ئێلیح
نامۍ ئەڎۍ و نامۍ تاتەی / دیلبەر- جەنگیز
وەختو یاگۍ گەشمەرڎەبیەی / ٤ و ئابو ٢٠٢٣/مېردین
****
ناسنامۍ / دیجلە ئەیلەمە
نامۍ و دما نامۍ/ لەیلا گوڵجو-ە
یاگۍ جە ئەڎابیەی / ئامەد
نامۍ ئەڎۍ و نامۍ تاتەی / ئایتەنە- عەلائەدین
وەختو یاگۍ گەشمەرڎەبیەی / ٤ و ئابو ٢٠٢٣/مېردین
هـ.ش
