دماو چالاکییە فیداییەییەکەو سەروو وەزارەتوو دلۍ تورکیای، هجوومە عاسمانییەکاو دەوڵەتی ئەرەگیروو تورکی زیاتەرۍ بیۍ. شەوەو ٣ۍ تشرینوو یوەمۍ ٧ جارۍ بە فڕۊکەی جەنگی مەیدانەکاو گەریلای بۊردومانۍ کریۍ، هەپەگە ئەرەیاوناش، هێزەکاو گەریلای بێزەرەرۍ بێنۍ.
ئەرەیاونیاو ناوەندوو ئەرەیاونای و چاپەمەنیی هەپەگەی پێسنەن:
"سوپاو تورکی ئەرەگیری شەوەو ٣ۍ تشرینوو یوەمی ٧ جارۍ بە فڕۊکەی جەنگی هەرێمەکاو پارێزنای مێدیایشا بۊردومانۍ کەرڎۍ. چی بۊردومانانە حیچ زەرەرێوە وەروو هێزەکاو گەریلای نەکەوتەن. سوپای ئەرەگیرە تاوانوو جەنگیش کەرڎەن و ٢جارۍ بە تەقەمەنیی قەدەغەکریا و ١٠ جارۍ بە گازی کیمیاوی و ٢٠ جارۍ بە فڕۊکەی بێفڕۊکەوانی وێتەقنەوە، هجوومش کەرد سەروو مەنتێقەکاو گەریلای. وەراوەروو ئی هجووماو سوپاو تورکیوە، هێزەکێما چالاکیی کاریگەرشا کەرڎەن، جە ئەنجامنە ٣ ئەرەگیرێشا سزا دۍ و ٣ ئەرەگیرێچ بریندارۍ بیۍ. سەرەڕاو ئانەیچە، فڕۊکیوە بێفڕۊکەوان و خێمێوە دلێنە بریۍ، هەرپاسە گورز وەنەو کامێرێوە حەراری دریان.
زانیارییە وەرفراوانەکۍ سەروو چالاکییەکا و هجوومەکاو سوپای ئەرەگیرو تورکی ئینێنێ:
هەرێموو گەشمەرڎە دەلیلوو وەرنیشتوو زاپی؛
ڕۊو ٣ۍ تشرینوو یوەمی سەعات ١٥:٣٥ و ١٧:٠٠ مەیدانوو مدرامانوو کەشوو ئامێدی-ینە بە چەکی قورس ٣ جارۍ وەنەو ئەرەگیرا دریان. چی چالاکییانە کە هێزەکاو یەژاستاریما کەرڎەن، گۊرز وەنەو ٢ سەنگەرا دریان.
ڕۊو ٣ۍ تشرینوو یوەمی سەعات ١٦:٢٠ مەیدانوو مدرامانوو کەشوو ئامێدی-ینە بە نیشانەماڕۍ وەنەو ئەرەگیرێوە دریا، کە چەکی ئەی ٤ بەکار ئارۍ و سزا دریا.
ڕۊو ٣ۍ تشرینوو یوەمی سەعات ١٦:٣٠ی فڕۊکێوە بێفڕۊکەوانوو ئەرەگیرا مەیدانوو مدرامانوو کەشوو ئامێدی-ینە، وزیارە واری و دلێنە بریا.
ڕۊو ٣ۍ تشرینوو یوەمی سەعات ١٧:٥٠ مەیدانوو مدرامانوو کەشوو ئامێدی-ینە بە چالاکیێوە نیشانەماڕۍ وەنەو ئەرەگیرا دریا، ئەرەگیرێوە بریندار بی.
ڕۊو ٤وو تشرینوو یوەمی سەعات ٠٣:٠٠، مەیدانوو مدرامانوو کەشوو ئامێدی-ینە بە چالاکیێوە نیشانەماڕۍ وەنەو ئەرەگیرا دریا و ئەنجامنە ئەرەگیرێوە بریندار بی.
هەرێموو زاپینە؛
ڕۊو ٢ۍ تشرینوو یوەمی سەعات ٠٧:٣٠، مەیدانوو مدرامانوو سیداینە بە چەکی قورس وەنەو شۊفڵێوە دریا، کە هەوڵۍ دۍ سەنگەرەکاوڕنۊ.
هەرێموو مەتیناینە؛
ڕۊو ١وو تشرینوو یوەمی سەعات ٠٩:٠٠، مەیدانوو مدرامانوو کەشوو چارچەلاینە بە چەکی قورس ٤ جارۍ وەنەو ئەرەگیرا دریان. چا چالاکییەنە ئەرەگیرێوە سزا دریا و یۊیچ بریندار بی. هەرپاسە خێمێوە ئەرەگیرا دلێنە بریا و وەنەو کامێرێوە حەراری دریا.
ڕۊو ٢ۍ تشرینوو یوەمی سەعات ٠٩:٠٠ مەیدانوو مدرامانوو کەشوو چارچەلاینە بە چالاکیی نیشانەماڕۍ وەنەو ئەرەگیرا دریا، جە ئەنجاموو ئا چالاکییەینە ئەرەگیرێوە سزا دریا.
ڕۊو ٢ۍ تشرینوو یوەمی سەعات ١٣:٤٠، مەیدانوو مدرامانوو کەشوو ئۊرتێنە بە چەکی قورس وەنەو ئەرەگیرا دریا.
ڕۊو ٢ۍ تشرینوو یوەمی سەعات ١٧:٠٠، مەیدانوو مدرامانوو کەشوو چارچەلاینە بە چەکی قورس وەنەو ئەرەگیرا دریا.
هجوومەکاو سوپای ئەرەگیرەو تورکی بە گازی کیمیاوی و چەکی قەدەغەکریا؛
سەنگەرەکاو جەنگی هەرێموو مدرامانوو کەشوو ئورتێنە، هەرێموو مەتیناینە، جە ٢ۍ تشرینوو یوەمینە ٧ جارۍ بە گازی کیمیاوی بۊردومانۍ کریۍ. ئا ئەرەگیرۍ، کە گازی کیمیاویشا بەکار ئارڎەبۍ، بە چەکی تاکەکەسی هجوومشا کریا سەر و ناچارۍ بیۍ پاشەکشۍ کەرا. ڕۊو ٣ۍ تشرینوو یوەمی سەعات ١٢:٠٠ دووۍ جارۍ بە چەکی قەدەغەکریا هەرێمەکە بۊردومان کریا. ڕۊو ٤وو تشرینوو یوەمی ٣ جارۍ بە فڕۊکەی بێفڕۊکەوان و بۊمبی گازییچ بەکار ئارییا.
مەیدانوو مدرامانوو کەشوو جودی، هەرێموو گەشمەرڎە دەلیلوو وەرنیشتوو زاپی سەنگەرەکاو جەنگی ٣ۍ تشرینوو یوەمینە ١٦ جارۍ بە فڕۊکەی بێفڕۊکەوانی وێتەقنەوە بۊردومانۍ کریۍ.
مەیدانوو مدرامانوو کەشوو ئامێدی، هەرێمی گەشمەرڎە دەلیلوو وەرنیشتوو زاپینە، سەنگەرەکاو جەنگی جە ٣ۍ تشرینوو یوەمینە ٤ جارۍ بە درۊنی بۊمبچنکریا، بۊردومانۍ کریۍ.
هجوومەکاو سوپاو دەوڵەتوو تورکی ئەرەگیری؛
٣ۍ تشرینوو یوەمی هەرێموو گارەینە مەیدانەکاو کەشوو ڕەشید، کانیسارک و کەشوو زەنگیل ٣ جارۍ، هەرێموو گەشمەرڎە دەلیلوو وەرنیشتوو زاپی ٣ جارۍ، مەیدانوو ئەنزێی قەندیلی جارێوە، گردیوە ٧ جارۍ بە فڕۊکەی جەنگی بۊردومانۍ کریۍ.
هەرێموو زاپی، گەشمەرڎە دەلیلوو وەرنیشتوو زاپی و مەتینای تۊپوارانۍ کریێ".
س.ز
