ئەرەیاونیای ناوەندوو ئەرەیاونای و چاپەمەنیی هەپەگەی پێسنەن:

"پارتیەکەمان پەکەکە کە بە خەتەو سۊسیالیزمی دیموکراتیکی بییەن بە هومێدێوە پەی ئازادیی گەلوو کوردستانی و گەلاو مەنتێقەکەی، هاموەخت سەرچەمەو هێزین پەی  گردوو ئینسانیەتی. ٤٥هەمین ساڵیادوو دامەزراندنی پەکەکە لاو گەریلاکاو ئازادیی کوردستانیوە بە چالاکیێوە مەبارەک کریا. هێزەکێما هەرێموو مەتیناینە بە قارەمانییەتیێوە گەورە و بە ڕۊحێوە فیداییانەی ئاپۊیی وەنەو ئەرەگیراشا دا و ١٢ ئەرەگیرێشا سزا دۍ، هامڕاما عەگید کە چی چالاکییەنە گەشمەرڎە بی، بی بە پارتوو پاتەکەیما، پەکەکە کە بەبۍ سازش و مانیای سەروو ڕاو  گەشمەرداوە هەنگامە منیۊ. تا سەرکەوتەی  سەروو هەمان خەتێوە هەنگامە منیۊ و هەقەو گەشمەردا کەرۊوە.

زانیاریی ورد سەروو چالاکی و هجوومەکاو سوپای ئەرەگیرەو تورکی پێسنەن:  

مەنتیقەو مەتیناینە:

٢٠وو تشرینوو دووەمینە مەنتێقەو مدرامانوو کەشوو ئۊرتێنە چالاکیێوە بە شێوازی گەریلایی هەمانگ پەی سەروو ئەرەگیرا کریا. باڵوو یوەموو چالاکییەکەی  یاگێوە نزیکۊ بە  ڕومانەی دەسی و چەکی تاکەکەسی دووۍ سەنگەرێشا کەرڎێئامانج. چا سەنگەرانە ٤ ئەرەگیرۍ سزا دریۍ، هەردووە سەنگەرەکۍ و کامێریوە مۊبوس مەڕیۍ. باڵوو دووەموو چالاکییەکەی بە چەکی نیمچە ئۊتۊماتیکی وەنەو سەنگەرێوە ئەرەگیراشا دا و ٤ ئەرەگیرۍ دلۍ سەنگەرەکەینە سزا دریۍ. باڵی یەرەموو چالاکییەکەی بە چەکی تاکەکەسی وەنەو ئەرەگیراشا دا. باڵی چوارەموو چالاکییەکەی بە چەکی تاکەکەسی و نیمچە ئۊتۊماتیک وەنەو ئەرەگیرشا دا و ئەنجامنە ٤ ئەرەگیرۍ سزا دریۍ. هەمان وەختنە باڵی پەنجەموو ئۊپراسیۊنەکەی بە چەکی نیمچە ئۊتۊماتیک و قورس وەنەو ئەرەگیراشا دا و ٢ سەنگەرێشا تێکۍ دۍ.

چی بۊنەنە کە پەی یادوو ٤٥ ساڵەو ئەرەەرزنای پارتیما پەکەکەی کریا، هامڕاما عەگید کە بە قارەمانییەتیێوە گەورە و بە ڕۊحی فیداییوە دژوو دوژمنی کۊشیا و یاوا ئاستوو شەهادەتی. هەرپاسە ١٢ ئەرەگیرۍ سزا دریێنۍ، کامێرێوە مۊبێس و ٢ سەنگەرۍ ئەرەگیرا تێکۍ دریێنۍ و گورز وەنەو ٣ سەنگەراو ئەرەگیرا دریان.

هجوومەکاو سوپاو تورکی ئەرەگیری بە تەقەمەنیی قەدەغەکریا، گازی کیمیاوی و فڕۊکەی بێفڕۊکەوانی بۊمبورگیر.

١٨ و ١٩و تشرینوو دووەمینە هەرێموو مەتیناینە سەنگەرەکاو جەنگی مەیدانوو مدرامانوو کەشوو چارچەلینە بە فڕۊکەی بێفڕۊکەوانی بۊمبورگیر ٣ جارۍ بۊردومانۍ کریۍ.

١٩و تشرینوو دووەمینە مەنتێقەو مەتیناینە، سەنگەرەکاو جەنگی مەیدانوو مدرامانوو کەشوو ئۊرتێنە ٨ جارۍ بە تەقەمەنیی قەدەغەکریا بۊردومانۍ کریێنۍ.

هجوومەکاو سوپاو تورکی ئەرەگیری

١٩ و ٢١وو تشرینوو دووەمی، هەرێموو خواکورکینە، مەیدانوو گەشمەرڎە شەریفی و ئاوەو لۊلانینە ٣ جارۍ، هەرێموو مەتیناینە، دەگاو دەرگەلینە یەک جار: بە گردیوە ٤ جارۍ بە فڕۊکەی جەنگی بۊرڎۊمانۍ کریێنۍ.

هەرێموو زاپی، مەنتێقەو گەشمەرڎە دەلیلوو وەرنیشتوو زاپی، مەتینای و خواکورکی تۊپوارانۍ کریێنۍ.