هەپەگە-نەڕەچە یاڏ و ئەندامو کۆنسەو فەرماندەیی هەپەگەی و فەرماندەو ئەیالەتو وانی، جیگەر گۆیش کەردۆ و واتش: "جە حەفتانین تا زاگرۆسان، جە زاگرۆسان تا بیاوۆ بە شەنگالی، جە گارۆ تا بۆتان بەبێ مردای ئەوەکۆشایش کەرد."
ئەرەیاوناو مییان و چاپەمەنی هەپەگەی (هەپەگە-نەڕەچە) پی جۆرەنە:
"ڕۆڵەی قارەمانو عەشرەتی وڵاتپارێزنو گۆیما، میلیتانی قارەمانو پەکەکەی، ئەندامو کۆنسەو فەرماندەیی هەپەگەی و فەرماندەو ئەیالەتو وانی، هەمڕاما جیگەر گۆی جە ٢٦ـو ئەیلولو ٢٠٢٠نە جە هەرێمو کاتۆی مارینۆسو ئەیالەتو وانی جە ئەنجامو هرووژمێ دژمنینە گەشمەرڏە بی.
هەمڕاما جیگەر تەمەنو جوانینە ڕووەشکەردە کەشەکا کوردەسانی. وەر و ئانەی ڕۆڵەو گەلێوە کەشی و هۆزی گۆی بێ، کەشەکانە بێ، وەڵێ کەوتوو و شارەزا بی. جە حەفتانین تا زاگرۆسان، جە زاگرۆسان تا یاوۆنە بە شەنگال، جە گارۆ تا بۆتان بەبێ ناوبڕ ئەوەکۆشایش کەرد. پەی پارێزنا و بییە و گەلەکەیما بەبێ تەرسی جەنگش کەرد، چنین جارێ زامڏار بی، ئەزموونی فرەش گلێر کەردۆ و بی بە فەماندێوە فرە زان.
هەمڕا جیگەر میلیتانێوە فیدای بێ کە فرە سەنگین بێ، ئینسانێ زەریف بێ، جۆشو شۆڕشگێڵیش بەرز بێ، هەرگیز مۆراڵش نەوەسێنێ، پەی گرڏ ئەرکێوە ئامادەبێ. جە جەنگاوەریۆ تا یاوۆنە بە فەرماندە ئەیالەت جە گرڏ ئاستێوەنە فەرمانداریش کەرد، ئەرکی جیاوازش جابەجێ کەرد و گرڏ ئەرکێوە بە زەریفترین شێوە ئەنجامش دێ و یاونێش بە سەرکەوتەی. دماین جار بی بە فەرماندەو ئەیالەتی وانی و چا ئەرکەنە گەشمەرڏە بی.
بە ڕیز و پنەزانایۊ فەرماندەی فیدای ئاپۆییما هەمڕا جیگەر گۆی یاڏ مکەرمێوە، سەرەوەشی وێما جە بنەیانە ی ئێژاو هەمڕایما جە عەشرەتی وڵاتپارێزنو گۆی و گرڏ و گەلوو کوردەسانی وڵاتپارێزیما مکەرمێ.
زانیارییەکێ سەرو شناسنامەو هەمڕا جیگەر گۆی پی جۊرەنە:
ناسنامێ: جیگەر گۆی
نامێ و دما نامێ: ئورهان ئورەک
یاگێ جە ئەڏابییەی: قلیبان
نامێ ئەڏێ و نامێ تاتەی: ئەمینە – ئەحمەد
کات و یاگێ گەشمەرڏەبییەی: ٢٦ـو ئەیلولو ٢٠٢٠ / وان."
*****
