هەپەگە جە ئەرەیاۋنېۋەنە شناسنامەو ئا گەریلایاشە ئاشکرا کەرڎ کە جە زاپەنە گەشمەرڎۍ بیېنۍ و ئەرەیاۋناش، "سەرەوەشی ۋېما ئاراسەو گرڎو گەلی نیشتمانپەروەرو کورڎسانی کەرمۍ، بە تایبەتی خانەواڎەو ڕېزدارو حەر یۊ جەهەڤاڵاما "زانا، بەرخۆدان و زاگرۆس"ی.
ئەرەیاۋناو ناوەنڎو یاۋنەری و چاپەمەنی هەپەگەی سەبارەڎ پا ٣ گەریلایەی کە جە زاپ گەشمەرڎۍ بیۍ پی جۊرەنە:
“چا بەیاننامەنە کە جە ٢٩و حوزەیرانو ٢٠٢٣ ېنە داما، ئەرەیاۋناما کە سوپاو ئەرەگیری تورکیای جە ٢٢ۍ حوزەیرانینە ئۆپەراسیۆنێوە وەرفراوانش جە مەنتیقەکا مدرامانی شکەفتی زامڎاری و کۆکەرۍ زاپی دەسپنەکەرڎەن. چی ئۆپەراسیۆنەنە چنی گەلەکەیما و ڕای گرڎی باسما چانەی کەرڎ کە هامڕاما زاگرۆس سەرێکانیی جە بۊمبۋارانەکا ٢٢ۍ حوزەیرانینە گەشمەرڎە بیەن، حەرپاسە هامڕېکێما زانا و بەرخۆدان، کە ٢٣ۍ حوزەیرانینە چالاکیشا ئەنجامدابۍ و چنەشەنە گورزۍ قورسەشا ئەو دوژمنی ئەشا و لانیکەم ٢ ئەرەگیرېشا بە سزا یاۋنۍ، جە ئاکامو بۊمبۋارانە چڕەکەو تورکیاینە گەشمەرڎۍ بیۍ.
گەریلاکۍ ئازاڎیی کورڎسانی کە بە فاڕای مەنتیقەو زاپی پۍ مەنتیقەو مدرامانی، گورزۍ گۊرېشا جە سیاسەتو جینۆسایدو دەوڵەتو کۆلۆنیالیستی تورکیای دان، جارێوەتەر نیشانەشا دا کە بە حەر نرخێوە بۊ فیدایانە گەلەکەیما پارېزنا و حۊل مڎا پۍ وەشکەرڎەو ۋڵاتێۋی ئازاڎی. پرسە و سەرەوەشی ۋېما ئاراسەو گرڎو گەلی نیشتمانپەروەرو کورڎسانی کەرمۍ، بە تایبەتی خانەواڎەو ڕېزدارو حەر یۊ جەهەڤاڵاما "زانا، بەرخۆدان و زاگرۆسی، ملیتانی فیدایی گەلوو عەرەبیما کە بە فیداکاری و حۊڵو بۍ وچانو ۋېشا چی پرۆسەو مدرامانە تاریخیەینە بیۍ بە سەرمەشق.
زانیاری جە بارەو شناسنامەو ئا هامڕایاماوە کە گەشمەرڎۍ بیۍ پی جۊرەنە:
ناسنامۍ: زانا گۆڤەند
نامۍ و دمانامۍ: زەفەر ئاکگون
یاگۍ جە ئەڎابیەی: مێردین
نامۍ ئەڎۍ و نامۍ تاتەی: بەهییە- مەهمەت
وەختو یاگۍ گەشمەرڎەبیەی: ٢٣ حوزەیرانو ٢٠٢٣/زاپ
ناسنامۍ: بەرخۆدان گابار
نامۍ و دمانامۍ: سالیح دایان
یاگۍ جە ئەڎابیەی: شرنەخ
نامۍ ئەڎۍ و نامۍ تاتەی: مەولودە- حسێن
وەختو یاگۍ گەشمەرڎەبیەی: ٢٣ حوزەیرانو ٢٠٢٣/زاپ
ناسنامۍ: زاگڕۆس سەرێکانییە
نامۍ و دمانامۍ: جیهاد خالد حسێن
یاگۍ جە ئەڎابیەی: سەرێکانیی
نامۍ ئەڎۍ و نامۍ تاتەی: تایها- خالد
وەختو یاگۍ گەشمەرڎەبیەی: ٢٣ حوزەیرانو ٢٠٢٣/زاپ
هـ . ش
