هەپەگە شناسنامەو گەشمەرڎا خواکورکیش ئاشکرا کەرڎ
هەپەگە شناسنامەو یەرۍ گەریلایا گەشمەرڎەیش ئاشکرا کەرڎ و ئەرەیاۋناش: "رێبازی ئاپۆییشا بە بنەما گێرت و سەختتەرین ئەرکەکێشا بە ئاسانی ۋییەرنۍ".
مېیانو ئەرەیاۋنای و چاپەمەنی هەپەگەی سەبارەت بە گەشمەرڎەبیەو ٣ گەریلایا ئەرەیاۋنێوەش وەڵا کەرڎۆ. ئەرەیاۋناکەی پی جۆرەنە:
"هەمڕێما ئامەد، فرات و فەداکار جە هەرێمو خواکورکینە جە کاتی جیاجیانە و بە مەڵامەتوو هرووژمەکا دژمنینە گەشمەرڎۍ بیێنۍ.
هەمڕێما ئامەد، فرات و فەداکار ئەرەکۊشای ئازاڎی کورڎەسانی کە بە سەرمەشقایەتی جمیەری ئاپۆیی دەسشپنەکەرڎ پەی ۋێشا کەرڎشا بە دەلاقەو هیوای، بەشدارا ئا ئەرەکۊشا پیرۆزەشا پېسە ئەرکۍ تاریخی وینا. هەمڕایا فیدایی پارتەکەیما پەکەکە کە رێبازو گەلەکەیمانە، هەمڕێما ئامەد، فرات و فەداکار بڕواشا پانەی بۍ کە گۆرەتەرین جواب پەی هرووژمەکا دژمنی گەریلابیەین و بەشداریشا جە ریزەکاو گەریلاینە کەرڎ. هەمڕاکێما کە جە هەر ساتێوە ژیۋای ئەرەکۊشایشانە مۆرەو ۋێشا ۋنەو سەرکۊتەی گۆرەی دا، بە بێ جیاکاری جە گرڎ هەرمانێوەنە رەنجی گۊرەشا دا. بە رێبازو ژیۋای ئاپۆیی ئەرکی هەرە دژوارشا یاۋنا مەنزڵ و پانەی سەربەرزۍ بیۍ. بە هەمڕایی راسگۆیانە، ئەنەیاوای و جە ۋۍ وییەرڎەی دلۍ ژیۋایشانە بیۍ بە جەنگاوەرۍ نمونەیۍ. سەرو هێڵۊو گەشمەرڎا ڕاشا کەرڎە و پەی ئانەی جمیەرەکەیما بیاونا بە سەرکۆتەی و لایەق بە هەمڕا گەشمەرڎەکاما با، بێ دووەدڵی ئەرەکۊشۍ، تێکەڵ بە تاریخو ئازاڎیی گەلەکەیما بیۍ. بە قووڵبیەیۆیشا جە جیهانو مانا و مەعنەویەتی بەرزی بیۍ بە سەرچەمەو ورەی و هێزی، بە بەشداربیەی پەڕ جۆش و خرۆشیشا جە گرڎ مېڎانێنە خاوەنداریشا جە ئەرکەکاشا کەرڎ.
سەرەوەشی جە بنەیانەی بەقیمەتو هەمڕایاما ئامەد، فرات و فەداکاری و گەلی وڵاتپارێزنو کورڎەسانی مکەرمۍ. قەسەم و پەیمان تازەمکەرمێوە کە یاڎوو ئا جەنگاوەرە ئاپۆییە بەقیمەتا جە کورڎەسانی ئازاڎەنە کە ئاواتو ئاڎیشا بۍ بە زیڼەیی ڕاگێرمۍ.
زانیاری سەرو شناسنامەو هەمڕایاما کە گەشمەرڎۍ بیۍ پی جۆرەنە:
ناسنامۍ / ئامەد عەفرین
نامۍ و دما نامۍ / زەکی حەسەن
شۊنەمەو جە ئەڎابیەی / عەفرین
نامۍ ئەڎۍ و نامۍ تاتەی / زەینەب- محەمەد
شۊنەماو کاتو گەشمەرڎەبیەی / ٢٠و تەمووزو ٢٠٢٤/ خواکورک
*****
ناسنامۍ / فرات سێرت
نامۍ و دما نامۍ / محەمەد سەلجوق
شۊنەمەو جە ئەڎابیەی / سێرت
نامۍ ئەڎۍ و نامۍ تاتەی / ئاسیا – حاجی گوری
شۊنەماو کاتو گەشمەرڎەبیەی / ٢٠و تەمووزو ٢٠٢٤/ خواکورک
*****
ناسنامۍ / فەداکار یادگار
نامۍ و دما نامۍ / موجاهید ئۆنال
شۊنەمەو جە ئەڎابیەی / موش
نامۍ ئەڎۍ و نامۍ تاتەی / یادگار- سەلاحەدین
شۊنەماو کاتو گەشمەرڎەبیەی / ٢١و تەمووزو ٢٠٢٤/ خواکورک
