ناوەندوو ئەرەیاونای و چاپەمەنیی هەپەگەی جە ئەرەیاوناێوەنە باسوو ئانەیش کەرڎەن کە، " سوپاو تورکی ئەرەگیری کە زاپنە گیرش وارڎەن و عاسی بییەن، وەروو ئانەیە ئۊپراسیۊنێوە ئەرەگیری جە خەتەو کەشوو ئامێدییوە تا بەشێوە فرەو مەتینای وەڵا کەرۊوە، جە ٩و ئەیلوولی بەدماوە جە زەمین و عاسمانۊ چندین بۊردومانێش پەی سەروو هەرێموو گەشمەرڎە دەلیلوو وەرنیشتوو زاپی کەرڎێنۍ. بڕۍ یاگێچنە بە پاڵپەشتیی عاسمانی بڕۍ سەروازێش وەزنێنێرە. بەینوو هێزەکامانە و ئەرەگیرانە جەنگی قورس هەن. ئا جەنگە هەڵای بەرڎەواما. دیارا سوپای ئەرەگیرە تا بتاوۊ وێش جە دۊخی بەبنبەسیاواو زاپی نەجات بدۊ،خەریکوو فرستەۍ چینەینە.  

سوپاو تورکی و پەدەکە پاڵوو یۊینە ئینۍ سەنگەرنە

سوپاو تورکی ساڵەی ویەرڎۍ وەختۍ ناچارە بییە بەرزاییەکاو لای سەری شاروو ئامێدیوە کێشیۊوە، ئا مەنتێقێشا دێبێنۍ دەسوو پەدەکەیۊ. جە ٩ و ١٠و ئەیلوولینە سوپاو تورکی ئەرەگیری سەروازاو وێش چا یاگانە وەزنێرە، کە دێبێنێشا دەسوو پەدەکەیۊ  و ئینۍ نزیکوو سەنگەرەکاو پەدەکەیۊ. گردوو ئا یاگانە کە دەوڵەتوو تورکی جارێوە تەر گێڵانۊ پەیشا، هێزەکاو پەدەکەیش چەنەنۍ و سیستموو سەنگەرەکایچشا ئینا پاڵوو یۊینە.  

مشۊم خەڵکە وەڵاتپارێزنەکەما و ڕای گردین بزانا، کە گەریلاکاو ئازادیی کوردستانی بەتندی وەرپەرچوو هجوومەکەو سوپاو تورکی مداوە و گوڕ بە مدرامانوو وێشا دژوو ئەرەگیرا مدا."

هەپەگە  بارەو چالاکییەکاو گەریلای و هجوومەکاو سوپاو تورکی ئەرەگیریوە ئەرەیاونانش:  

هەرێموو گەشمەرڎە دەلیلوو وەرنیشتوو زاپی

- ڕۊو ١٠و ئەیلوولی سەعات ٠٧:٠٠، ١٠:٣٠. ١٤:٠٠. ١٤:٤٥، ١٨:٥٠. ٢٣:٣٠ ئەرەگیرۍ مەیدانوو مدرامانوو کەشوو جوودینە بە چەکی قورس کریۍ ئامانج و شش سەنگەرۍ گورزشا وەنە شنیا. ئی چالاکیۍ هێزەکاو یەژاستاریما کەرڎۍ.  

- ڕۊو ١٠و ئەیلوولی سەعات ٢٢:١٠ ئەرەگیرۍ مەیدانوو مدرامانوو کەشوو جوودینە، بە چەکی نیوئۊتۊماتیک کریۍ ئامانج و گورز وەنەو سەنگەرێوە شنیا.

-هێزەکاو یەژاستاریما ٥ جارۍ چا هەلیکۊپتەرە هجوومبەرا ئامێوە دەس، کە مەیدانوو مدرامانوو کەشوو ئامێدیشا بەینوو سەعات ٢٠:٠٠ بۊ ٢٤:٠٠ بۊردومان کەرد.

- ڕۊو ١١و ئەیلوولی سەعات ٠٤:٠٠ ئەرەگیرۍ مەیدانوو مدرامانوو کەشوو جوودینە بە چەکی قورس کریۍ ئامانج، چالاکییەکە هێزەکاو یەژاستاریما کەرد.

ڕۊو ١١و ئەیلوولی سەعات ٠٦:٢٠ ئا ئەرەگیرۍ جە مەیدانوو مدرامانوو کەشوو ئامێدیینە کەوتۍ جموجووڵۊ، بە تاکتیکوو نیشانەماڕۍ کریۍ ئامانج و ئەرەگیرێوە سزا دریا. جەنازەو ئا ئەرەگیرەیە ئینا چێروو کۊنتڕۊڵوو هێزەکامانە.

هەرێموو زاپی؛                   

- ڕۊو ٨وو ئەیلوولی سەعات ٠٨:٠٠ ئەرەگیرۍ جە مەیدانوو مدرامانوو کۊکەڕێنە بە چەکی کەسی کریۍ ئامانج.

هجوومەکاو سوپاو تورکی ئەرەگیری

-١٠و ئەیلوولی مەیدانوو مدرامانوو شاخی ئامێدی لە هەرێمی شەهید دەلیلی ڕۊژئاوای زاپ ٦ جار و  گۊڕەپانی بەرخودانی شاخی بەهاریش یەک جار، گردیوە ٧ جارۍ بە فڕۊکەی جەنگی بۊردومانۍ کریۍ.

-١٠و ئەیلوولی هەرێمەکاو مدرامانوو کەشوو جودیینە، کەشوو ئامێدی جە هەرێموو گەشمەرڎە دەلیلوو وەرنیشتوو زاپی و مەیدانوو مدرامانوو مەتیناینە بە هەلیکۊپتەری هجوومبەر بۊردومانۍ کریۍ.

هەرێمەکاو زاپی، گەشمەرڎە دەلیلوو وەرنیشتوو زاپی و خواکورکیشا تۊپوارانۍ کەرڎێ".

س.ز