هەپەگە ئامارەو جەنگو مابەینو ١-٣٠ حوزەیرانیش ئاشکرا کەرڎ و ئەرەیاۋناش کە گەریلاکۍ ئازاڎیی کورڎسانی ٤٥ چالاکیېشا کەرڎېنۍ، ٤٤ سەروازۍ ئەرەگیرۍ سزادریېنۍ. جە هجومەکایچنە ١٠ گەریلۍ گەشمەرڎۍ بیېنۍ.
ناوەنڎو یاۋنەری و چاپەمەنی هەپەگەی ئامارەو جەنگو مانگەو حوزەیرانیش ئاشکرا کەرڎ.
هەپەگە ئەرەیاۋناش: "دەوڵەتو تورک نەتەوەی دەوڵەتێوەن کە پېسە نەژاڎی پەشتیش بە تورک پەرستی و پېسە ئاینیچ پەشتیش بە سوننەگەری بەستېنە. سیستمو نەتەوە دەوڵەتو تورکی فاشیستی ئانەش پۍ ۋېش بە بنەما گرتەن کە جگە جە تورکبیەی گرڎو پێکئاما نەتەوەییەکا، جگە جە سوننەگەری گرڎو ئایینەکا بە شێۋەی کۊکوشی و تاۋنایۊ دلېنەبەرۊ، گرڎو گلېرگەی و گەلا تورکیای کەرۊنە تورکو، سوننی و پۍ ئانەیچ چنڎین کۊکوشیېش ئەنجامدۍ. جە ٢ۍ تەمووزو ١٩٩٣ ۍ جە سێواس ٣٤ گیانۍ عەلەویەکاش بە شێۋېوە وەحشیانە تیرۆر کەرڎۍ. جە ٣٠ەمین ساڵیاڎو کۊکوشیەکەینە کە دژ بە مرۆڤایەتی بۍ گەشمەرڎا دیموکراسی و ئا کەسۍ کە جە سێواس تیرۆر کریۍ بە رێزۊ یاڎ کەرمېۋە".
گەریلاکۍ ئازاڎیی کورڎسانی بە گیانی فیدایی ئاپۆیی ئەرەکۊشۍ
جە ئەرەیاۋناکەو هەپەگەینە ئامان، "دەوڵەتو تورکی کۊکوشکاری کۆلۆنیالیستی بە هەمان مەغزی فاشیستیوە ئەشکەنجەی دەروونی و گۆشەگیری سەرو رابەر ئاپۆی، حەرپاسە هجومی کۊکوشی سەرو گەلوو کورڎی و کۊشیای ئازاڎیی کورڎسانی درێژە پنە مڎۊ. چا هجومای کە پۍ کۊکوشی گەلوو کورڎی ئەنجام دریا، گەورەترینشا جە دژوو گەریلاکا ئازاڎیی کورڎسانی ئەنجام دریا. ئینەیچ ماناو ئانەی میاۋنۊ کە گەریلا پۍ گەلوو کورڎی، دەورو پارېزناو رەواو گەلەکەیما ۋینۊ، پۊکاتی دوژمن وەردەوام هجومشا کەرۊنە سەر. گەریلاکۍ ئازاڎیی کورڎسانی بۊنەو کۊشیای ئازاڎی و بیەی گەلەکەیماوە بە وەرپرسیاری ڕۋانە و تاریخی جە سەرنیشتوو کورڎسانیۊ حەتا هەرێمەکا پارېزناو مەدیای بە گیانی فیدایی ئاپۆیی کۊشش مکەرا.
هجومە ئەرەگیریەکۍ بۍ مرڎای و سەرە مڕە وەردەوامیشا هەن
سوپاو تورکی ئەرەگیری جە سەرنیشتوو کورڎسانی جە ڕاو ئۆپراسیۆنی وەرفراوانیۊ هجوم ئەنجام مڎۊ. جە هەرێمەکا پارېزناو مەدیایچەنە سەرەمڕەو بۍ مرڎای جە زەمین و ئاسمانۊ بۊمبۋاران کەرۊ. جە ماوەو مانگەو حوزەیرانینە جە سەرنیشتوو کورڎسانی و هەرێمەکا پارېزناو مەدیاینە ١٢٧ کەڕەتۍ بە فڕۊکەی جەنگی، ٤٠ کەڕەتۍ بە هەلیکۆپتەری هجومکەر، ٢١٤٨ کەڕەتۍ بە کاتیوشا، تانک و چەکی قورس بۊمبۋاران ئەنجام دریان. جە دژوو سەنگەرەکاما جە مېڎانەکا مدرامانینە ٢٦ کەڕەتۍ بۆمبی قەڎەغە و چەکی کیمیایی بەکارئامان. پۍ وڕناو سەنگەرەکاما بە حەفارەیچ هجومشا ئەنجامدان.
٤٤ سەروازۍ ئەرەگیرۍ سزادریېنۍ
هێزەکېما کە دژ بە دوژمنی جە ئاژەو ۋېپارېزنای ڕەواینە بېنۍ، جە ١٣و حوزەیرانی بە دماوە پاشا وستۊ ئاژەو چالاکی کارای و گورزۍ قورسېشا جە سوپاو تورکی ئەرەگیری ئەشۍ. دژ بە هجوماکا دوژمنی هێزەکېما جە ماوەو مانگەو حوزەیرانینە ٤٥ چالاکیېشا ئەنجامدېنۍ، جە ئاکامو ئا چالاکییانە جاشېوە و ٤٤ ئەرەگیرۍ سزادریېنۍ. حەرپاسە ترۊمبېلېوە جۆرو ریۊی، سیستمێوە کامێرای حەراری و سیستمێوە راداری دلېنەبریۍ.
"ئاڵاو ئەرەکۊشای گەشمەرڎا میاۋۊ بە سەرکۊتەی"
جە مانگەو حوزەیرانینە کە مانگەو گیانبازانە، جە ئامەڎ ئەنڎامی فیدایی فەرمانڎەو ئەیالەتەکەیما هامڕا خەمگین (سامی ئۆزدەمیر)، باهۆز (ئومید کۆرکماز)، زین (دیلان گۆکالپ)، مەعسوم (وەدات ئایهان)، جە هەرێمەکا پارېزنای مەدیایچەنە هامڕېما ئاسیا (قەدریە تەتیک)ە، ئازاد (توماس یوهان سپەیس)، کۆچەر (دیاکۆ ساعدی)، زانا، زاگرۆس و بەرخودان کە بە گیانی فیدایی ۋەران ۋەر بە گرڎ جۆرە تەنگ و چەڵەمېۋە مرڎېۋە، گەشمەرڎۍ بیۍ. هامڕۍ گەشمەرڎېما جە بۆتانۊ حەتا سەرحەد، جە ئامەڎۊ حەتا ۋەرکەوتوو کورڎسانی، جە ئازادی ئەڵمانییوە حەتا ئاسیای تورکی مەردمو ئۆردوی بیۍ بە راسی کۊشیای شان بە شانو شۆڕشگێڵا ئینتەرناسیۆناڵیست و کورڎسانی. راسی کۊشیای ئاپۆیی کە بە گەشمەرڎەبیەو هامڕایاما بەرجەسەبی، جارێوەتەر سەلەمناش کە هەم ئەرەکۊشای رزگاری نەتەوەیی گەلوو کورڎیا، هەمیچ هۆشمەنڎی نەتەوەی دیموکراتیکو دلۍ ئازاڎی گەلان. ئی ئەرەکۊشای ئازاڎی و دیموکراسیە کە ئێمە چنەشەنە قەرزاربارۍ گەشمەرڎا ئازیزینمۍ و ئا راسیەی کە جە کەسایەتی ئاڎیشانە بەرجەسەبیەن جە لایەنو ئێمۊ پېسە هامڕایا ئاڎیشا وەردەوام بە بنەما گیریۊ و ئاڵاو کۊشیای ئاڎیشا بە دڵنیاییوە میاۋۊ بە سەرکۊتەی".
هـ . ش
