ناوەندوو ئەرەیاونای و چاپەمەنیی هەپەگەی ئەرەیاوناێوەنە، شناسنامەو دووۍ گەریلایاش وەڵا کەرڎۊ، کە ساڵەو ٢٠٢٠ مەیڎانوو سەرحەڎینە گەشمەرڎۍ بیۍ.

جە ئەرەیاوناکەینە ئامان:

"ڕۊو ٢٣ۍ ئابوو ٢٠٢٠، ھامڕا بەنرخەکێما، جەمیل جگەرخوێن و شەڕڤان درێژ، هجوومێوە دوژمنینە جە مەیڎانوو سەرحەڎینە شەهید بیۍ.

هامڕێما جەمیل و شەڕڤان، دماو ئانەیە بەشداریشا جە ڕیزەکاو گەریلاینە کەرد، گردوو وەختەکانە هەوڵێشا دۍ وێشا بە ساعیبوو یاڎوو هامڕا گەشمەرڎەکاما بزانا و ئامانجەکاشا بارا دی، بیۍ بە جەنگاوەرۍ نموونەیۍ ئاپۊیۍ. وەروو ئانەی گەریلایەتیی سەرڎەمی تازەی بیاوۊ یاگۍ، بە گیانبازی و پاگێرتەیرەی فرەوە تێکۊشیۍ، هەرگیز ئاستوو وێشا پێسە پێویسی نەزانا و هەوڵۍ دێنۍ دایمە زیاتەر وێشا وزا وەڵۍ. پا تایبەتمەندیاوە پەی وێشا کەرڎێشا بە پیمەرۍ، وەروو ئانەیە بلا دژوارتەرین مەیڎانەکا و دلێشەنە کۊشیا. لوۍ مەیڎانوو سەرحەڎی و بیۍ بە جەنگاوەرۍ سەرمەشقوو ڕاپیمای ئازاڎیی گەلەکەیما.

هامڕێما جەمیل و شەڕڤان دلۍ تێکۊشیای ئازاڎیمانەجە ڕاو ڕەنج و مانیایۊ وێشا خولقنا. جە ساڵیاڎوو گەشمەرڎەبییەیشانە، بە ڕێز و پەنەزانایۊ یاڎشا کەرمێوە، سەرەوەشیی وێما ئاڕاستەو بنەیانەی بەنرخیشا و سەرجەموو گەلی وەڵاتپارێزنوو کوردستانی کەرمۍ.  

زانیاری بارەو شناسنامەو هامڕا گەشمەرڎەکاوە پێسنەن:

شناسنامێ: جەمیل جگەرخوێن

نامۍ و دمانامێ: شەمسەدین دەلاییمیلان

یاگۍ پەیدابییەی: ماکوو

ئەدا-تاتە: ئەسمەر-یوسف

وەخت و شۊنەو گەشمەرڎەبییەی: ٢٣ۍ ئابوو ٢٠٢٠ / سەرحەڎ

شناسنامێ: شەڕڤان درێژ

نامۍ و دمانامێ: حسێن کەسەرجی

شۊنەو پەیدابییەی: بەدلیس

ئەدا-تاتە: شادییە-سەراجەدین

وەخت و شۊنەو گەشمەرڎەبییەی: ٢٣ی ئابی ٢٠٢٠ / سەرحەڎ

س.ز