هەپەگە: ئەرەگیرۍ ٤٣٠ جارۍ هجوومشا کەرڎەن
هه‌په‌گه ئەرەیاوناش، سوپاو توركی ئەرەگیری، ١٦ جارۍ بە فڕۊکەی جەنگی و ٤١٤ جارۍ بە كاتیوشا، تانک و چەکی قورس، هه‌رێمه‌كاو پاریزنای مێدیایشا بۊردومانۍ كەرڎۍ.
ناوەندوو ئەرەیاونای و چاپه‌مه‌نیی هەپەگەی باره‌و چالاکییەکاو هێزەکاو گەریلای و هجوومەکاو سوپاو توركی ئەرەگیری، ئەرەیاوناێوەش وەڵا کەرڎۊ.
ده‌قوو ئەرەیاونا‌كه‌ی پێسنەن:
" هه‌رێموو گەشمەرڎە ده‌لیلوو وەرنیشتوو زاپینە؛
٧ تەمووزی، سەعات ٠٨:٠٠، ١٠:٠٠ و ١١:٠٠ به چەکی قورس گورز جە شاریاوگه‌و ئەرەگیرا مەنتێقەو مدرامانوو کەشوو ئێف ئێمینە شنیا. ئی چالاکییە تیمە گێڵیارە‌كاو یه‌ژاستاری کەرد.
٨ تەمووزی سەعات ٠٥:٢٠ فڕۊکە بێفڕۊکەوانەکاو ئەرەگیرا سەروو مەیدانوو مدرامانوو کەشوو جودیرە سووڕیێوه. تیمە گێڵیارەكێما چا فڕۊکە بێفڕۊکەواناشا دا. جە ئەنجاموو دەسوەرڎای هێزەکاماوە، جموجووڵوو فڕۊکە بێفڕۊکەوانەکا مردنیا.
٩ی تەمووز سەعات ٠٨:٣٠ جە مەیدانوو مدرامانوو کەشوو ئێف ئێمی، سیستمێوە کامێراو چەمداریی ئەرەگیرا بە چەکی قورس تێک دریا.
هه‌رێموو زاپینە؛
تەمووزی، سوپای توركی ئەرەگیری، زاپنە له مەیدانەکاو مدرامانوو کۊکەر، کارکەر و مەڕەو بریندارانە، ئۊپەراسیۊنۍ کەرد. گەرەکشابۍ مەیدانوو مدرامانوو کۊکەرینە ئەرەنیشتۍ با، ئاگەیە بۊردومان کەرا و دارەکا بڕاوە و ئۊپەراسیۊنەکە هەڵای درێژەش هەن.
هجوومەکاو سوپاو توركی ئەرەگیری؛
٧ و ٨ تەمووزی، ٣ جارۍ هه‌رێموو گەشمەرە ده‌لیلوو وەرنیشتوو زاپی، ٢ جارۍ خواکورکنە مەیدانه‌كاو ئاوەو لۊلانی و سنینی، ١١ جارۍ گاره‌نە مەیدانه‌كاو دەگاو شی، ده‌شتەو کافیای و دەگاو مه‌یرۊکی، گرڎیوە ١٦ جارۍ به فڕۊكه‌ی جەنگی بۊردومانۍ كریۍ.
٧، ٨ و ٩ تەمووزی، مەیدانەکاو مدرامانوو کەشوو وەهاری، جودی و ئامێدی جە هەرێموو گەشمەرڎە دەلیلوو وەرنیشتوو زاپی، مەیدانوو مدرامانوو سیدای زاپنە، مەیدانوو گۊڵکاو سه‌ر به مەتینای و مەیدانەکاو کەشوو گەشمەرڎە کامه‌رانی، گەشمەرڎە حەقی خواکورکنە، ٤١٤ جارۍ بە كاتیوشا، تانک و چەکی قورس بۊردومانۍ كریۍ.
سوپاو توركی ئەرەگیری، له ٧، ٨ و ٩ تەموزینە مەیدانوو مدرامانوو سیدای زاپنە، جە مەیدانوو مدرامانوو کەشوو ئێف ئێمی هه‌رێموو گەشمەرڎە ده‌لیلوو وەرنیشتوو زاپینە، هجوومش کرد سەروو سه‌نگه‌ره‌كاما و هه‌وڵێش دۍ به حه‌فاره تونێله‌كا وڕنۊ."
س.ز
