هەپەگە ئشناسنامه‌و ٥ گەشمەرڎاش ۋەڵاکەرڎۊ
هەپەگە بە ڕێزۊ یاڎو ٥ گه‌ریلایا گەشمەرڎەیش کەرڎۊ و ئەرەیاۋناش، "هامڕېکێما دیانا، سه‌ما، زیلانە، ئارگه‌ش و گابار، بیۍ بە ڕاسه‌قینه‌و دۊڵەمەنڎی تاكتیكی كه گه‌ریلا پا ئاستەیە یاۋان".
ناۋەنڎو ئەرەیاۋنا و چاپەمەنی هەپەگەی جە بارەو ٥ گه‌ریلایاوە، كه جە وەختە جیاجیاكا ساڵەو ٢٠١٧ینە، جە هه‌رێمه‌كا پارېزناو مەدیاینە گەشمەرڎۍ بیۍ، ئەرەیاۋنېۋەش ۋەڵاکەرڎۊ.
جە ئەرەیاۋناکەنە ئامان:
"ساڵەو ٢٠١٧ كه قۆناغێوە گرنگا جە تاریخو کۊشیایمانە، بی بە ساڵێۋە كه جە دژوو ئەرەگیرا به گرڎ شێۋېۋە مدرامانی گیانبازی ئه‌نجامدریا، ئیراڎه‌ی ئاپۆیی جە گرڎو مېڎانەکا مدرامانینە باڵاده‌س بۍ. ده‌وڵه‌تو توركی ئەرەگیری چا ساڵېنە جە کەسایەتی جمیەری ئازاڎیمانە، گرڎو هێزو ۋېش پۍ دلېنەبەرڎەو گه‌له‌كه‌یما وست هەرمانە و پەی ئانەیچ زیاڎ جە گرڎ وەختۍ په‌ره‌ش به هجومەکاش دا. هامڕېکېما دیانا، سه‌ما، زیلانە، ئارگه‌ش و گابار كه نموونه‌ی سه‌ره‌كی گیانبازی ئاپۆیینۍ، چا مېڎانانەی کە چنەشەنە بېنۍ، سەرمەشقی مدرامانیشا جە دژوو دوژمنی کەرڎ. ئا جه‌نگاوه‌ره بە‌نرخۍ كە گرڎو هامڕایا کۊشیایشا، پۍ ۋېشا کەرڎەن بە نموونه، دڵسوزانه و ڕاسەقینانە ۋەرگیریشا جە خەتەو پەکەکەی و پاژكی کەرڎ و پا جۊرە لۋۍ دلۍ تاریخو ئەرەکۊشایماوە. هامڕېکێما دیانا، سه‌ما، زیلانە، ئارگه‌ش و گابار، به گەشمەرڎەبیەو ۋېشا پۍ ئێمه بیۍ بە سەرچەمەو هێزی و قوڵبیەیۊ، بیۍ بە ئارڎەینەرو ڕاسه‌قینه‌ی دۊڵەمەنڎی تاكتیكی كه گە‌ریلاش پا ئاستەیە یاۋنان".
سه‌ره‌تا سەرەۋەشی ۋېما ئاڕاسەو خانەواڎەی شكۆمەنڎو هامڕایاما دیانا، سه‌ما، زیلانە، ئارگه‌ش و گاباری و گرڎو گه‌لی ۋڵاڎپارێزو كورڎسانیما کەرمۍ.
ئشناسنامەو هامڕا گەشمەرڎەکاما پی جۊرەنە:
ناسنامۍ: 'دیانا ئامانۆس'ە
نامۍ و دما نامۍ: 'هه‌یبه‌ت چیغ'ە
یاگۍ جە ئەڎابیەی: ئه‌ده‌نه
نامۍ ئەڎۍ و نامۍ تاتەی: فاتمە - عۆمەر
وەختو یاگۍ گەشمەرڎەبیەی: تەمووزو ٢٠١٧ / هەرېمەکۍ پارېزناو مەدیای
ناسنامۍ: سه‌ما ماهیر
نامۍ و دما نامۍ: سه‌ما تاش
یاگۍ جە ئەڎابیەی: موش
نامۍ ئەڎۍ و نامۍ تاتەی: ئاینور - عەبدولڕه‌حمان
وەختو یاگۍ گەشمەرڎەبیەی: تشرینو دۋەمو ٢٠١٧ / هەرېمەکۍ پارېزناو مەدیای
ناسنامۍ: 'زیلان دەرسیم'ە
نامۍ و دما نامۍ: 'جانان کانات'ە
یاگۍ جە ئەڎابیەی: بایبورت
نامۍ ئەڎۍ و نامۍ تاتەی: ناجیە - حاتەم
وەختو یاگۍ گەشمەرڎەبیەی: ئەیلولو ٢٠١٧ / هەرېمەکۍ پارېزناو مەدیای
ناسنامۍ: ئارگه‌ش ڕوکه‌ن
نامۍ و دما نامۍ: یونس ئه‌رگون
یاگۍ جە ئەڎابیەی: وان
نامۍ ئەڎۍ و نامۍ تاتەی: گوڵشەن - جەمیل
وەختو یاگۍ گەشمەرڎەبیەی: ئابو ٢٠١٧ / هەرېمەکۍ پارېزناو مەدیای
ناسنامۍ: گابار وان
نامۍ و دما نامۍ: دۆغان به‌ركی
یاگۍ جە ئەڎابیەی: وان
نامۍ ئەڎۍ و نامۍ تاتەی: موحەبەت - مستەفا
وەختو یاگۍ گەشمەرڎەبیەی: ئابو ٢٠١٧ / هەرېمەکۍ پارېزناو مەدیای
هـ . ش
