هەپەگە ئشناسنامەو گەریلېوی گەشمەرڎەیش ئاشکرا کەرڎ و ئەرەیاۋناش، "هامڕێما دۆغا بە بەشڎاربیەی، قەرارداری، تامەزرۆیی پۍ سەرکۊتەی، شێوازوو گورزشانای جە دوژمنی و ڕۆحی گیانبازی تاواش شێوازوو سەردەمی تازەی جابەجێ کەرۊ و چا ڕوۆ بیە بە گیانبازێوە نمونەییە".
ناوەنڎوو ئەرەیاۋنا و چاپەمەنی هەپەگەی جەبارەو ئا گەریلا گەشمەرڎېوە ئەرەیاۋناش:
"هامڕێما دۆغا ڤیانە جە ١٢و تشرینوو یوۋەموو ٢٠٢٣ هەرێموو گەشمەرڎە دەلیلوو ۋەرنیشتوو زاپینە دژوو دوژمنی بە قارەمانێتیۍ گۊرۊ جەنگش کەرڎ، گورزەی قورسەش جە دوژمنی شانا و گەشمەرڎۍ بیە. هامڕێما دۆغا کە پېسە جەنگەوانۍ، فیدایۍ و ژەنەی ئازاڎیی کولتوری خودڎاوەندەکا، پۍ ئانەی نازۊ ئەرەگیرەکۍ سەروو ئا خاکەی کە مرۆڤایەتی چنەشەنە گەشەش کەرڎەن، چەوەسناشۊ، بە رەنجێوە گەورۊ کۊشیا، پۍ ئانەی بتاوۊ بەشێوازوو تیمە پسپۆڕەکا دلۍ مېڎانی و مەڕەکانە بە تاکتیکی سەردەمی تازەی گەریلایەتی مۆدێرنیتەی دیموکراتیکی سەرکەوتانە جابەجێ کەرۊ، بێ دووە دڵی بەشڎارەبۍ".
بە هەڵوێس، دەسوەڵۍ وستەی و چالاکبیەی ۋېش، پراکتیکێوە کە هێزوو ئازایەتی و ورەی بە گەریلاکا بەخشۍ، نیشانەدا. هامڕێما دۆغا بە بەشڎاربیەی، قەرارداری، تامەزرۆیی پۍ سەرکۊتەی، شێوازوو گورزشانای جە دوژمنی و ڕۆحی گیانبازی تاواش شێوازوو سەردەمی تازەی جابەجێ کەرۊ و چا ڕوۆ بیە بە گیانبازێوە نمونەییە. ڕۆحی فیدایی، بەشڎاربیەی نمونەیی، یۊگېرتەی بەقوەت، ئازایەتی، سەروو وېیی، توڕەیی دژوو دوژمنی، تامەزرۆیی پۍ سەرکەوتەی، ئیراڎە و هەڵوێسی جەنگاوەری سەردەمی تازەی کە هامڕا دۆغا نیشانەشدا، ئاڎە گرڎ وەختۍ ڕانیشاندەرەو ئێمە و هامڕایامانە و ئامانج و وەرمەکا ئاڎۍ فاڕیا پۍ راسی. سەروو ئا بنەمۍ ئێمە سەرەوەشی جە بنەیانەی بە نرخوو ئاڎۍ و گرڎوو گەلی وڵاتپارێزوو کوردسانی کەرمۍ.
زانیاری سەروو ئشناسنامۍ هامڕێما دۆغا ڤیانۍ پی جۆرەنە:
ناسنامۍ / دۆغا ڤیانە
نامۍ و دمانامۍ / گوڵبەهار هیزمالی
شۊنماو جە ئەڎابیەی / ئێلیح
نامۍ ئەڎۍ و نامۍ تاتەی / ئەمینە - حەسەن
وەختوو شۊنەو گەشمەرڎە بیەی / ١٢ و تشرینوو یوۋەم و ٢٠٢٣ / زاپ
