هیزی ھەرێموو فوراتینە، پۊلوو یوەمیوە تا دوانزەی ئامادەیی، دەواموو ساڵەی تازۍ وانای دەسش پەنە کەرد. بە پاو ئاماروو دەسەو پەروەرڎە و فێرکەرڎەی، کە ٥وو تەمووزوو ٢٠٢٣ وەڵاش کەرڎۊ، ٦٣ هەزارۍ و ٧٢٧ وانیارۍ هەرێمەکەنە دەسشا بە پڕۊسەو وانای ئێساڵی کەرڎەن.

ڕوەیدا فەیادە، وانیارۍ پۊلوو حەوتەمی جە وانگەو گەشمەرڎە سەیدۊ جەختش جە گرنگیی وانای بە زوانوو ئەدۍ کەرڎۊ و واتش: "فێربییەی و قسەکەرڎەی بە زوانوو ئەدۍ فرە وەشا، پەی من زوانی ئەداییم گرد چێوا، ئامایۊ ساڵەی تازێونای وەنەو گردوو وانیارا مەبارەکە کەروو".

ھەرپاسە وانیار ئەڤیانا ئەحمەد واتش، گەرەکشا بۊ بە مامۊستا تا بتاوۊ نەوەی تازە نوۍ پەروەرڎە کەرۊ و واتش: "گەرەکما ساڵەی تازۍ وانای چەنی هامڕا و مامۊسایەکام بە دڵوەشییوە بەروو سەر".

ھاموەخت وانیار ئێڤا عەلی-یچ وەشحاڵیی وێش پەی ئامایۊ ساڵەی تازۍ وانای بەروست و واتش: "ئاواتم ئانەنە بوو بە دکتۊر. تا بتاوو گیانوو خەڵکی نەجات دەو."

س.ز