فەرماندەیی هێزەکاو ڕزگاریی عەفرینی (هەرەئە) دەربارەو ئی بابەتەیە ئەرەیاونایوەش وەڵا کەردۊ و ئەوەخوایش کەردۊ کە جەنگەوانەکێشا، جودی گابار و جودی ڕەشۊ و چیچەک و ژیان و دڵشێر گەشمەردۍ بیێنێ.

ئەرەیاونایەکەینە یاد وزیانۊ، کە هەرەئە ١ شوباتوو ینە٢٠٢٤ بە ئەرەیاوناێوە زانیارییش بارەو چالاکییەکەو عەفرینیوە دابۍ و واتەبێش: "ئێمە ئاشکراما کەرڎەبۍ کە هێزەکێما جە ٣٠ی کانوونوو دووەمینە زنجیرەچالاکیێوە هەقسانایۊشا دژوو سەروازا و چەتەکاو دەوڵەتی ئەرەگیروو تورکی هەرێموو عەفرینی و ئەعزازینە کەردێنۍ و گورزی گەورەشا وەنەو ئەرەگیرا دان".

درێژەو ئەرەیاونایەکەینە دەسنیشان کریان، کە ٥ جەنگەوانۍ هەرەئەی چا چالاکییانە گەشمەردۍ بیێنۍ و ئی زانیاریۍ وارییە وەڵۍ کریێنێ: "هامڕێما جودی گابار، جودی ڕەشۊ، چیچەک، ژیان و دڵشێر بە گیانێوە فیداکارانە بەشدارییشا جا چالاکییانە کەرڎەن و گەشمەردۍ بیێنێ. ئێمە ئەرەیاونابێما کە زانیاریی وەرفراوان سەروو شناسنامەو هامرا گەشمەرڎاما پەی رای گردینی وەڵا کەرمێوە.

هامڕێما جودی گابار، جودی ڕەشۊ، چیچەک، ژیان و دڵشێر کە عاشقۍ گەلی و سرووشتی و کولتووروو وێسا بێنێ، بە نیشانەدای هەڵوێست و ئیرادەیشا ڕۊحی شۊڕشگێڵنانەو سەرڎەمیشا نیشانە دا. پەی دماڕۊیوە ئازاڎی و گێڵایۊ گەلەکەیما بە وریوە بەرز و فیداکاریێوە فرەوە کۊشیێ. حەرپەنج هامڕێکێما ئازاڎیی گەلەکەیشا کەرد بە ئامانجی ئەوەڵینوو وێشا تا دماهەناسەشا دەسشا وەر نەدا جە هەڵوێستیشا و هەرمانە و وەرپەرسبییەیشا بە شایستەیی پۊڕنا. یاد و ئامانجەکێشا با بە بناغەو کۊشیای ئازاڎییما".

ئەرەیاونایەکەینە سەرەوەشی جە بنەیانەو ٥ گەشمەرڎەکەی و تەماموو گەلی وەڵاتپاریزنی کریان و وچیان:"جارێوە تەر ئا وەعدەیە پەی گەلی و گەشمەرڎاما ئەوەخوای کەرمێوە کە بە ڕۊحی شۊڕشگێلنی قارەمانانەی پێسە حەر پەنج هامڕاکەیما، شاروو عەفرینی ئەرەگیرکریای ڕزگار کەرمۍ ".

شناسنامەو گەشمەرڎەکاما:

شناسنامێ: جودی ڕەشۊ

نامۍ و دمانامێ: حەمید ڕەشۊ

نامۍ ئەڎێ: زەینەبە

نامۍ تاتەی: خەلیل

شۊنەو ڕۊو گەشمەرڎەبییەی: هەرێموو عەفرینی/ ٣٠ی کانوونوو دووەموو ٢٠٢٤

 

شناسنامێ: چیچەک کۊبانێ

نامۍ و دمانامێ: سەوسەن بەرکەت

نامۍ ئەڎێ: فاتمە

نامۍ تاتەی: حوسێن

شۊنەو ڕۊو گەشمەرڎەبییەی: هەرێموو عەفرینی/ ٣٠ی کانوونوو دووەموو ٢٠٢٤

 

شناسنامێ: دڵشێر سەرێکانی

نامۍ و دمانامێ: عەبدولرەحمان سۊفی

نامۍ ئەڎێ: منەوەرە

نامۍ تاتەی: فوئاد

شۊنەو ڕۊو گەشمەرڎەبییەی: هەرێموو عەفرینی/ ٣٠ی کانوونوو دووەموو ٢٠٢٤

 

شناسنامێ: جودی گابار

نامۍ و دمانامێ: جەمیل سلێمان

نامۍ ئەڎێ: زەینەبە

نامۍ تاتەی: احمد

شۊنەو ڕۊو گەشمەرڎەبییەی: هەرێموو عەفرینی/ ٣٠ی کانوونوو دووەموو ٢٠٢٤

 

شناسنامێ: ژیان عەفرین

ناو و ناوی پاشناو: ڕۊشین محەمەد

نامۍ ئەڎێ: زەینەبە‌

نامۍ تاتەی: سلێمان

شۊنەو ڕۊو گەشمەرڎەبییەی: هەرێموو عەفرینی/ ٣٠ی کانوونوو دووەموو ٢٠٢٤