دمانیمەڕۊو ئارۊی ئەرەیاونیا کە هونەرمەندی سروودواچ و شۊڕشگێڵنوو کوردی گەڕەکەو ڕاپەڕینوو شاروو سلێمانینە گیانش جەدەس دا و تیمەکاو پزیشکی دادوەری لوێنۍ سەروو جەنازەکەیش و جە سەبەبوو مەرڎەکەیش کۊڵیاوە.

تاهیر خەلیلی ساڵەو 1956 شاروو بۊکانینە وەرکەوتوو کوردسانینە پەیدا بییەن، بەرهەموو ئەوەڵیش 15 ساڵینە وەڵا کەرڎەنۊ، چند بەرهەمێوەش تەلەفزوێنوو مەهابادینە تۊمارۍ کەرڎینۍ پێسە" شەویتاریک و بێدەنگی، گوڵی مەهاباد، کیژۊلەی کورڎسان" و ساڵەو 1979 بییەن بە پێشمەرگەو وەرکەوتوو کورڎسانی.

دلۍ شۊڕشوو کورڎسانینە بە هەستیوە نەتەوەییوە زیاتەر جە ٥٠ گۊرانیۍ و سروودۍ شۊڕشگێڵنییش واتێنۍ ڕاو کۊشیای و خەباتینە و پی بۊنەوە جە وەڵاتی قاچاخ بییەن، دلۍ شۊڕشینە ئاوازەکێش بەتایبەتی "لە قەندیلی سەربەرزەوە" و "سەربازی ون" دەنگدایۊی فرەشا بۍ و وێرڎەو سەروو زوانوو کۊشەرا و گەریلایاو ڕاو شۊرشی بێنۍ.