جە چوارچوەو وەشەویسیی هەورامییەکانە پەی وەتەنی و پارێزنای کلتووری و ژیوگەی و ئشانسایش بە نەوەو ئارۆی، کتێبوو دەگاوزاوەری، جە لاو ئێنتێشاراتوو زایەڵەو مەریوانیوە، موجەوێزش گێریان و ئەپی زووانە چاپ و وەڵا کریۆوە.
یاگێ واتەینە ئی کتێبە پەنجومین کتێبێوا، کە جە لاو سنۆقوو فەرهەنگ و ئەدەبوو زاوەریوە وەڵا کریۆوە، گرنگیی مدۆ بە
ئەژناسنای ئاسەواراو زاوەری پێسەو دەگایێوە تارێخیێ جە هەورامانەنە و هەرپاسە، ئەژناسنای جوغرافیا و تەبێعەت و سرووشتوو زاوەری پێسەو کۆگاو هانە و چەم و دۆڵ و مڵک و باخێ جە هەورامانەنە و ئەژناسنای کەسایەتییەکاو زاوەری، نویسەرێ، شاعێرێ، هونەرمەندێ و وەرزشکارێ.... تاد
ئی کتێبەیە جە ۱۷۲ لاپەلانە نویسیان و گلێر کریانەو ششەمین کتێبوو نویسەر هومایون موحەممەدنژادین، کە بە زوانی هەورامی نویسیان، نویسەر هاگادارێ ورد و تایبەتوو فەرهەنگوو گلێرگەو هەورامانین و قەڵەمش دایمە خزمەتوو فەرهەنگینە هەرمانەنە بییەن
نویسەروو کتێبەکەی ئاماژەش دان، کە تەڕاحوو جڵدەکەیش خاتوو شەکیلا موحەممەدنژادێ و وێنەو جڵدەکەیش هینوو کاکە مەسعوود کەرەمیین.
س.ز
