هەیلبوڕننە ورکوویا سەروو بیناو کۊمەڵە و یانەو کورڎا
هەیلبۊرننە پۊلیس ورش کوا سەروو کۊمەڵەو یانەو هامسەرۊکاو کۊمەڵەو کورڎا.
سەرسەعبوو ئارۊی جە شاروو هەیلبوڕنوو ئەڵمانیاینە پۊلیس ورش کوا سەروو ناوەندوو کولتووری کورڎی و یانەو هامسەرۊکە وەڵیناو ناوەندەکەی و بەرەکێشا ماڕا.
هامسەرۊکەکۍگیریێ، دماتەر پەنجەمۊر و ڕسمشا ور گیرا و ئازادۍکریێ. پۊلیسوو ئەڵمانیای یانەو هامسەرۊکاشا وشکنا ودەسشا گێرت ملوو چندین کەلوپەلە کەسی و تایبەتارە پێسە تەلەفون و کۊمپیوتەری.
هاموەخت پۊلیسەکۍورشا کوا سەروو کۊمەڵەکەی و بەرەکێشا ماڕا و دەسشا ملوو چندین کەلوپەلارە گێرت.
فەد-گەل ناڕەزایەتییش بەر وست
هامسەرۊکاو فیدراسیۊنوو کۊمەڵە کورڎستانییەکا (فەد-گەل) ورکوایسەروو کۊمەڵە و یاناشا شەرمەزار کەرڎ و واتشا:
"حکومەتوو ئەڵمانیای بە پاشێلکەرڎەی یاسۍو بنەما دیموکراسییەکا جارێوە تەر ورش کوا سەروو کورڎا و ئەرەمەرزیایەکاشا. پا ورکوایە هەرگیز کورڎ دەسبەرڎاروو کۊشیای دیموکراتیکوو وێشا مەبا، ئێمە وەراوەروو هجوومە پاکتاوکارییەکاو دەوڵەتوو تورکی فاشیستیوە دژوو کورڎسانی و گەلوو کورڎی مرڎمێوە و بیمۍبە دەنگوو گەلەکەیما".
س.ز
