ناوەندوو ئەرەیاونای و چاپەمەنیی هێزەکاو ئاسایشوو دلۍ سەرنیشت و وەرکەوتوو سوریای واتشا، ئەندامێوەشا کە نامێش حوسێن ئەلحوسێنا، کە ٢٠١٨ دەیرەزۊرنە بۊنەو هجووموو بۊمبوو چەتەکاو داعشیوە بریندار بی، گەشمەرڎە بی.
ناوەندوو ئەرەیاونای و چاپەمەنیی هێزەکاو ئاسایشوو دلۍ، سەروو پەلیانەو وێشۊ ئەرەیاوناێوەش وەڵا کەرڎۊ و شناسنامەو گەشمەرڎێوەش ئاشکرا کەرد.
ئەرەیاونایەکە ماچۊ:
"ئەنداموو هێزەکاما، حوسێن ئەلحوسێن ٢٨وو ئەیلوولوو ٢٠٢٣ێنە بۊنەو سەختیی برینەکەیشۊ گەشمەرڎە بی. حوسێن ئەلحوسێن ساڵەو ٢٠١٨، وەختوو هەڵمەتەو ڕزگارکەرڎەی هەرێموو دەیرەزۊرینە دەسوو تیرۊریساو داعشیوە، سەیارێوە بۊمبچنیاو چەتەکاو داعشیش پۊرە تەقاوە.
نامۍ و دمانامێ: حوسێن ئەلحوسێن
نامۍ تاتەی: مەحمود
نامۍ ئەڎێ: فضە
شۊنە و وەختوو پەیوەندیکەرڎەی: دەیرەزۊر، 12/11/2017.
شۊنە و وەختوو گەشمەرڎەبییەی: دەیرەزۊر، 28/9/2023.
گەشمەرڎە حوسێن پەی پارێزنای ئاسایش و سەقامگیریی وەڵاتەکەیش و پارێزنایش جە قێزەونیی ڕێکوزیایە تیرۊریستییەکا، فیداکارییوە گەورەش کەرد. هەرمانەکێش بەڕێکوپێکی کەرڎە، وەشەسیای و وەفێوە گەورێش پەی گەلەکەیش بۍ. جە بەیاگەیاونای هەرمانەکاشنە دووەدڵ نەبۍ و هەنگامە پەی دمای نەنیۍ. بە قارەمانی و پاگێرتەیرەوە دژوو شانە تیرۊریستییەکا گژیا و یاوا پلۍ گەشمەرڎەبییەی".
س.ز
