عەلی یەرلیکایا، وەزیروو دلېینەو تورکیای ئەرەیاۋناش، جە شارەکا ڕحا، مێردین، وان، سەمسور، ئیزمیر، ئیسپارتا، مەلەتی و مانیسانە ٢٧ کەسۍ بە تۆمەتوو "ئەندامبیەی جە ڕێکوزیاینە"و "ھامکاریکەرڎەی ڕێکوزیای"و " بانگەشە پۍ ڕېکوزیای" و " ھامکاریکەرڎەی دارایی ڕێکوزیای" گیریېنۍ.

جە لایۍ تەرۊ جە مەنتیقەو لجێ و یەنیشەهیری سەر بە ئامەڎی جە هورکوای سەروو یانانە ٤ کەسۍ گیریېنۍ.

بە پاو سەرچەمەکا جە ھێزانی سەر بە مەنتیقەو لجێی یەرۍ کەسۍ بە نامەکا "وەڵات یاڵچین، مستەفا و یافوور چەلیک"ی گیریېنۍ، چانەی مشۊ ژمارەو گیریایا زیاتەر بۊ.

جە مەنتیقەو یەنیشەهیریچ، فوئاد یاڵچین، ئەنڎاموو وەڵینوو ئەنجومەنوو شارەوانی یەنیشەهیری سەر بە هەدەپەی گیریان.

بە پاو زانیارییەکا قەراری 'نهێنی' وزیان سەروو دۆسیەو ئا کەسا کە گیریېنۍ.