بەمەڵامەتوو زریان و دانیەلیوە جە لیبیانە لافاو هورئېست. سەرۊکوەزیران ئوسامە حەماد باسش چانەی کەرڎ کە جە دەرنایۍ ٢ هەزار کەسۍ گیانشا جە دەسدان و هەزاران کەسېچ بۍ سەروو شۊنېنۍ.

قسەکەروو هېزە چەکڎارەکا جە ۋەرکەوتوو لیبیای ئەحمەڎ ئەل مۊسماریچ ئاماژەش پانەی کەرڎ کە پەنج پۍ شش هەزار کەسا بۍ سەروو شۊنېنۍ. ئانەیچش وست ڕووە کە بە مەڵامەتوو لافاوەکەیۊ ٢ۍ بەنداوۍ جە نزیک و شارەکەینە تەقېنۍ و پا مەڵامەتۊ زەرەرەکۍ فرۍ بیېنۍ.