جە نەورۆزوو ئیستەنبوڵینە وێنەو ڕابەروو گەلوو کوردی بەرزکریاوە
ئیستەنبوڵنە نەورۆز بە بەشداری سەڎان هەزار کەسا پیرۆزکریا، وێنەو ڕابەروو گەلوو کوردی عەبدوڵا ئۆجالانی بەرزکریاوە.
مەراسیمەکە جە مێڎانوو یەنیکاپینە ئەنجامدریا. سەڎان هەزار کەسۍ بەشداربیۍ و ئێروو نەورۆزی بە جۆش و خرۆشۆ کریاوە.
ئێروو نەورۆزی جە تەرەفوو قەوم و کەسووکاروو زینڎانیا و ئەڎایا ئاشتیوە کریاوە، جە وەختوو کەردەیۆ ئێرەکەینە درووشمەو "بژیۋۆ سەرۆک ئاپۆ"ی بەرزکریاوە.
جە مەراسیمەکەنە وێنەو ڕابەروو گەلوو کوردی عەبدوڵا ئۆجالانی بەرزکریاوە. ڕابەروو گەلوو کوردی عەبدوڵا ئۆجالان بە نیشانۍ سەرکۊتەیۆ جە مێڎانەکەنە گێڵناشا. وەختۍ وێنەو ڕابەروو گەلوو کوردی عەبدوڵا ئۆجالانی بەرزکریاوە، سەڎان هەزار کەسۍ زیاتەر بە جۆش و خرۆشۍ بیۍ.
