لقو کۊڵانەکا شێخ مه‌قسودی و ئە‌شره‌فیه‌و پارتو یۊبیەی دیموكراتیك (په‌یه‌ده‌)ی، جە شارو حەله‌بی جە دژوو گۆشه‌گیری و به‌ مەبەسو مسۆگه‌ركەرڎەی ئازاڎیی جه‌سته‌یی ڕابه‌رو گه‌لوو كورڎی، عه‌بدوڵا ئۆجالانی ۋېنیشاندایېشا ساز کەرڎ.

بەشڎارا ڕاپیماکەی ۋەردەمو هۆڵو ٨و ئادارینە جە ۋەرنیشتوو کۊڵانەکېنە کۊبیېۋە و ده‌سشا به‌ چالاكییە‌كەیشا كەرڎ و بە ڕاپیمایۍ ڕوو بە کۊڵانەو ئه‌شره‌فیه‌ی لۋۍ.

ڕاپیماکەی جە کۊڵانەو ئەشرەفیەینە فاڕیا پۍ گلېرۊبیەی و لاو ۋېشۊ ئایشه‌ حسۆ، ئه‌نڎامەو فه‌رمانگه‌و پەیۋەنڎیەکا په‌یه‌ده‌ی ۋاتش: "سڵام جە مدرامانو رابه‌ر ئۆجالانی کەرمۍ و وەعد مڎەیمۍ تا ئا ۋەختەی ئازاڎیی جه‌سته‌یی ڕابه‌رو گه‌لوو كورڎی به‌دی مۍ و خاكی ئەرەگیرکریا ڕزگار کریۊ، سەرەمڕەو بۍ مرڎای خه‌بات کەرمۍ.

ئایشه‌ حسۆ تەئکیدش کەرڎۊ، به‌ بۍ ئاماڎەبیەو ڕۆشنۋیرا و خوڵقنەرا فكری ئازاڎیی دیموكراتیكی، ئازاڎیی گه‌لا ده‌سه‌به‌ر مەبۊ.

ئایشۍ جە دمادماینە ۋاتش: سە‌ركۊتەی فە‌لسە‌فه‌و نەتەوه‌ی دیموكراتیكی مسۆگەرا. هاموەخت داواش جە گرڎ لایۍ کەرڎ تا ئا وەختەی مافه‌كۍ ده‌سه‌به‌رۍ با، ۋه‌رپرسیاری هۊرگېردۍ و بەشڎاری جە پەرەپنەدای و  گۊرەکەرڎەی کۊشیاینە کەرڎۍ.

هـ . ش