جە سویسرانە چالاکی "ئازاڎیی پۍ عەبدوڵا ئۆجالان"ی لۋاڕاوە
پەی ماڕای گۆشەگیری ڕەها و سەرو ڕابەرو گەلوو کورڎی عەبدوڵا ئۆجالانی و مسۆگەرکەرڎەی ئازاڎیی ئاڎیی، جە شارو لۆزانی و سانت گالنی جە سویسرانە چالاکی لۋاڕاوە.
جە شارو لۆزانو سویسرای بە ئامانجو هۊرگېرتەو گۊشەگیری سەرو ڕابەرو گەلوو کورڎی عەبدوڵا ئۊجەلانی، چالاکی لۋاڕاوە.
ئەنڎامۍ تەڤگەرو گەنجا شۊڕشگېڵ(تەجەشە)ی و ژەنۍ گەنجۍ کۊشیەری(ئیکۊژن)ی ۋەرو دەمو ۋېسگەو قیتارینە کۊبیېوە و چنڎین کەڕەتۍ پۍ ئازاڎیی ڕابەر ئاپۊی دروشمېشا بەرزکەرڎۍ.
ئەرەیاۋییېوە سەرو گۊشەگیری بەزۋانی فەڕەنسی ۋنیاوە. دماتەر ئەنڎامو تەجەشەی خەیری ئامەڎ ۋاتش:" بانگەواز جە گەنجا کورڎی کەرمۍ یۊگېرا دژوو گۊشەگیری سەرو ڕابەر ئاپۊی کە ٢٩ مانگېن ۋەردەواما".
خەیری ئاماڎ بانگەوازش کەرڎ پۍ بەشڎاربیەی جە چالاکیېنە پەی ئازاڎیی ڕابەر ئاپۊی، جە ١٢ و ئابینە سەعاڎ ١٧:٠٠ جە مېڎانو سانت لۊرانتی جە لۊزان بەشڎارۍ با.
کورڎسانیۍ جە شارو سانت گالنی جە سویسرا، بە سەرمەشقی تەجەشەی پۍ هەمان ئامانجی کۊبیېوە وئەرەیاۋنېوەشا ۋەناوە.
جە ئەرەیاۋناکەنە ۋاتشا:"گەنجۍ ۋەرپەرسېنۍ جە ماڕای سیستمو ئیمڕاڵی و مسۊگەرکەرڎەی ئازاڎیی جەستەیی ڕابەر ئاپۊی".
هـ . ش
