ئەنجومەنوو سەروازی تل تەمری ئەرەیاۋناش، کە جە ئاکاموو وەرپەرچدایۊ ٢ هجوما چەتەکا ترکی ئەرەگیرینە پۍ سەروو دەگایەکا تل تەمری و زرگانی جە کانتۊن و حەسەکەی، ١٢ چەتۍ دەوڵەتوو ترکی ئەرەگیری کوشیۍ.

ئەرەیاۋناکەو ئەنجوومەنی سەروازی تل تەمری پی جۊرەنە:

ئۊپراسیۊن و'حېقم کەرڎەی ئەمنیەتی' جە ڕۊو هەشەمیشەنە وەردەواما، کە هېزەکېمە هېزەکۍ سوریای دیموکراتیک(قەسەدە) چنەشەنە لۋۍ دەموو داواو خەڵک و مەنتیقەکەیۊ. هاموەخت چنی ئا ئۊپراسیۊنە گرنگەینە چەتەکۍ ترکی ئەرەگیری حۊڵشا دا ئا ئۊپراسیۊنەیە پېسە جەنگی جە بەینوو کورڎی و عەرەبینە نیشانە بڎا و پا بەهانېوە گەرەکشابۍ ئامانجەکا ئۊپراسیۊنەکەی بەپاو پلانەکا ۋېشا بەکار بارا.

سەرو ئی ئەساسیە دۊڵەتوو ترکی بەشېۋېوە ڕووانە دژوو هەرېمەکا هجوم کەرۊ، دەگایەکا منبجی کەرۊ ئامانج، حەرپاسە سەرسەعب و  ٣ ئەیلولیچ چەتەکۍ دۊڵەتوو ترکی هجومشا کەرڎ سەروو دەگایەکا تەویل، تل ئەلتەویلی و خەمسەی جە مەنتیقەو تل تەمری. بەڵام جە لاو جەنگەواناوە وەرپەرچشا دریاوە شکسشا پنە نۊش کریا.

جە ئاکاموو ئی هجومەینە ١٠ چەتۍ ترکی ئەرەگیری کوشیۍ. هاموەخت چنی ئا هجوما، چەتۍ ترکی ئەرەگیری هجومشا کەرڎ سەروو دەگاو بۆبی جە مەنتیقەو زرگانی. بەڵام جە لاو جەنگەوانەکاماوە وەرپەرچشا دریاوە و ٢ چەتۍ کوشیۍ و ژمارېوە فرەیچشا زامڎارۍ بیۍ. دماو جەنگەکەی چەتەکۍ کیشیېوە و بڕەمۍ.

پېسە وەرپەرچوو ئا چەتاما دانۊ و خاک و ۋېما پارېزنان، جە ئیسە بە دمایچۊ بە یۊگېرتەیی گەلەکەیما ۋەردەوامۍ بیمۍ جە پارېزنای هەرېمەکەی و شارەکاما.

ئەنجوومەن و سەروازی گرۍ سپیچ سەبارەڎ بە هجوموو دۊڵەتوو ترکی پۍ سەروو دەگاو سگېرۊی ۋەرکەوتوو عەین عیسای ئی زانیاریەشە ۋەڵاکەرڎۊ:'' چەتۍ ترکی ئەرەگیری سەرسەعب و ڕۊو یەکشەممەی سەعات ٠٦:٢٥ دەیەقۍ هجومشا کەرڎ سەروو دەگاو سگیرۊی ۋەرکەوتوو عەین عیسای".

هېزەکېما جوابشا دېوە و  چا ٥ چەتۍ ترکی ئەرەگیری کوشیۍ. چەتەکۍ تەرېچ بڕەمۍ . دماتەریچ ئا هېزەی کە ئاما پېوایشاوە جە لاو هېزەکاماوە دریاشا ۋنەو چایچ ٢ چەتۍ تەرۍ کوشیۍ و ٧ ی تەریچ زامڎارۍ بیۍ.

جە ئاکاموو ئا ۋەرپەرچدایۊ هېزەکامانە بە گرڎیی ٧ چەتۍ کوشیۍ و ٧ ی تەریچ زامڎارۍ بیۍ.