دماو ستۊکهۊڵمی پایتەختی، جە شاروو یوتۊبۊریچ فیستیۋاڵی کولتوری کورڎی سازکریا. چنەشەنە بەهەزاران کەسۍ جە ناۋەنڎوو شارەکەینە کوۍ بیېوە و بە سەرمەشقی ڕېکوزیا کورڎیەکا ئا شارەیە جە سەعاڎ ١١:٠٠ دەسشا بە فیستیۋاڵەکەی کەرڎ.

جە چوارچېوەو فیستیۋاڵەکەینە جە جلوبەرگی کورڎیۊ تا وارڎەی و ئشناسای کتېبی کورڎی، سەکوۍ جیاجیۍ نریېبېنێرە.

بە مەبەس و ئشناسای کتېبەکا ڕابەر ئاپۊی سەکوۍ تایبەت نریابېرە، کە ژمارېوە فرە جە کتېبەکاش بە زۋانەکا ئینگلیزی، ئەڵمانی، فەرەنسی، سویدی ورگېڵ کریېبێنۍ.

کورڎسانیۍ کلتورو جلوبەرگی ئاڵوو واڵاو نەخشین و ۋېشا بە ئۊرووپاییەکا ئشناسا.

ژمارېوە فرە سیاسەتمەدارۍ، نۋیسەرۍ و ڕۊنامەوانۍ سویدیچ بەشڎاریشا جە فیستیۋاڵەکەنە کەرڎ.

ڕاوەبەرا ناوەنڎوو گلېرگەی دیموکراسی وازی کورڎی جە فیستیۋاڵەکەنە قسېشا کەرڎە.

ئا کەسۍ کە قسېشا کەرڎۍ باسشا جە جەنگی و جینۊسایدی کەرڎ جە کورڎسانەنە و گرنگی و بیەو کلتوری و هونەری کورڎیشا وست ڕووە و دۊڵەتوو تورکیایچشا شەرمەسار کەرڎ.

بەشڎارا فیستیۋاڵەکەی داواو ئازاڎیشا پۍ رابەر ئاپۊی کەرڎوو دروشمەو" ئازاڎیی و ستاتیۊی پۍ کورڎسانی" واچېنۍ.

هونەرمەنڎا کورڎی شڤان پەروەر، سەرحەدۆ، نارینخان، فەرزاد مېهدینیا، گرووپ و مورادیانی و شیار و دژواری کۊنسېرتشا سازکەرڎ. بە هەزاران کەسۍ بەشڎاریشا جە فیستیۋاڵەکەنە کەرڎ و زەماۋنەشا گېڵنا.

فیستیۋاڵەکە هەڵای ۋەردەوامیش هەن.