حەسەن سیدار کە جە ساڵەو ١٩٧٨یوە دلۍ تەڤگەری ئازاڎیی کورڎینە بیەن، جە خەسەخانەو شاروو لوزەرنی  سویسرای  کە چا چارەسەرش پۍ کریۍ گیانش جە دەسدا. جەنازەو سیداری جە دەگاو موسۆلاری سەر بە مەنتیقەو بازارجخی جە مەرەش ئەسپەردە بەخاکی کریا.

جە شاروو زوریخوو سویسرای مەراسیموو ڕایی کەرڎەی ئاخریش پۍ کریا. گلېرگەی دیموکراتیکی کورڎی جە سویسرا (جەدەکە-سە)، یۊبیەی ژەنا کورڎی جە سویسرا (یەژەکە-سە) و تەماموو پێکئاماکا ئاگەی، هامسەرۆکا ئەنجومەنەکا و سەڎان کەسۍ مەنتیقەکەی خانەواڎەو سیداریشا کەردېوە سەر. سەرەتا مەراسیمێوە ئایینی لواڕاوە. مەراسیمەکە جە لایەن و پیر عەلی ماتوری ئەنڎاموو کەنەکەی و پیر بینالی ساغلام سەرۆکوو یۊبیەی عەلەویەکا سویسرای لوواڕاوە.

جە ساڵەو ١٩٧٨حەتا دما هەناسەش حۊڵ و مانیایش وست هەرمانە

جەمەراسیمەکەنە سیاسەتمەداروو کورڎی سەرحەد ئاگری باسش جە خەباتوو حەسەن سیداری کەرڎ و ۋاتش، "گرڎما مەیمۍ و ملمۍ، بەڵام حەسەن سیدار کەسێوە ئاسایی نەبۍ، هەرمانە وخەبات چنی ئاڎیی ،کەسایەتی ئاڎیش پنە ئشناسایمۍ".ئێمە شانازیش پۊوە کەرمۍ. جە ساڵەو ١٩٧٨ تا ٢٠٢٣ پۍ ماوەو ٤٥ ساڵا کۊشیایۍ گۊرە بۍ، جە گرڎوو مەیڎانەکا کۊشیاینە بۍ، جە گرڎ یاگېنە کاریگەری ۋېش بۍ، بەکەسایەتی،هامڕایی،فیداکاری و کۊشیای ۋېش هەڤاڵێوە نموونەیی بۍ، ئانەی جە ژیۋاینە چېوۍ فرە گرنگا. ئەگەر باسوو فیداکاری کریۊ، پەنەوازەن ئینسان گرنگی بە ژیۋایش بڎا، ئاڎ نامۍ ۋېش بە پیتۍ ئاڵتونی جە تاریخوو کۊشیای ئێمەنە نۋیستۊ، وەعدش بە هامڕایاش دا و تا دما هەناسەش وەعدەکەش جابەجۍ کەرڎ."

"حەجگیز ئاڵاو کۊشیایش سەروو زەمینیۊ جیا نمازمۍ"

 هامسەرۆکوو جەدەکە-سە سەلما سورەرە باسش جە حۊڵەکا حەسەن سیداری کەرڎ و ۋاتش، "هەڤاڵ حەسەن ئاما ئېگە، بەڵام قەد دەسبەرداروو ڕاسییەکا وڵاتی، دڵسۆزی پۍ گەشمەرڎا نەبی، تا دما هەناسە کۊشیایش کەرڎ، ئێمە قەد ئاڵاو کۊشیایش سەروو زەمینیۊ جیا نمازمۍ."

 'ئاڎ تەنیا براو من نەبۍ'

عەلی سیدار براو حەسەن سیداری سوپاسوو بەشڎاربیاش کەرڎ و ئەرەیاۋناش کە حەسەن سیدار تەنیا براو ئاڎی نەبیەن و ۋاتش، "ئاڎ برا گولانەکەم بۍ، ئێمە تەنیا برۍ نەبېنمۍ. ئاڎ پېسە کوڕەکەیم، هامڕام، کەسێوە کە ژیۋایم پنەبەخشۍ پاسەبۍ. جە هەمان وەختەنە کۊششکارۍ گەلەکەیش بۍ”.

"پۍ ئېمە بی بە هامڕېوە نموونەیی"

بەناوی یەژەکە-سەوە دیلان چەتین کایا قسېش کەرڎۍ و ۋاتش "ئا میراتۍ گۊرەش پۍ جیائاستیمۍ، بە کۊشیایش بی بە نموونە پۍ ئێمە، چېگە بەدمایچ حەر نموونەن".