جەنازەو گەریلا ئاجارۍ نەدریاوە دەسو خانەواڎەکەیش و جە قەبرسانو بېکەسانە ئەسپەردۍ کریا
جەنازەو گەشمەرڎە قەدەر ئاجارۍ، گەریلۍ یەژاستاری، حەرچنڎە جە لاو خانەواڎەکەیشۊ ئشناسیاوە، بەڵام نەدریاشاوە دەسو جە قەبرسانو بېکەسانە ئەسپەرڎۍ کریا.
قەدەر ئاجارە ئشناسیۍ بە(دەستان بۆتان)ۍ گەریلۍ یەژاستاری، ڕۊو ٢٥ و تەموزی، جە یانېوەنە جە جاڎەو ساکاریای سەر بە مەنتیقەو نسېبینی جە مېردین، جە دژو تەوقدای و داواو تیمەکا ئۊپەراسیۊنی تایبەتی پۊلیسو تورکی، کە داواشا ۋنەکەرڎېبۍ ۋېش دۊ دەسۊ، نارنجۊکېوەش تەقنۍ بۍ ۋېشەرە و جە ئاکامەنە گەشمەرڎۍ بیە.
ڕۊو ٢ ئابی، خانەواڎەو ئاجارۍ کەجە مەنتیقەو جزیری شڕنەخی مژیۋا، لۋۍ پۍ مېردینی جەنازەو کناچەکېشا جە بەشو وشکنای پزیشکی نەوەشخانەو پەروەردەی و توېژینەوەی مېردینی ئشناساوە. بەڵام بە بەهانۍ ئانەی ئەنجامو دی ئېن ئەی بەرنەشیەن، لاشەکەشا نەدریاوە دەس.
دماتەر خانەواڎەو ئاجارۍ پۍ ئانەی چەمەڕاو ئەنجامو دی ئېن ئەی کەرا، گېڵېوە پۍ مەنتیقەو ۋېشا، بەپاو زانیاریەکا جەنازەو ئا گەشمەرڎۍ، جە بەشو وشکنای پزیشکی هۊرگیریابۍ، ڕۋۍ چا وەڵتەر جە تەرەف و ۋەرپەرساوە جە قەبرسان و بۍ کەسانە جە شارو کامۊری سەر بە مەنتیقەو ئارتوغلوی ئەسپەرڎە کریېبۍ.
سەرەڕاو ئانەی جەنازەکە ئشناسیاوە، کە جەنازەو قەدەر ئاجارېن، بەڵام بەبەهانۍ ئانەی ئەنجامو دی ئېن ئەی پەیمانگاو پزیشکی بەرنەشیەن، جەنازەکەشا نەڎاوە دەسو خانەواڎەکەیش.
هـ . ش
