جەنازەو ئا گه‌ریلایه کە به‌ستانە گەشمەرڎە بی، به‌خاكی ئەسپاریا
جەنازەو قاره‌مان كاراتاش (به‌نگین بارمانی)ی، گه‌ریلاو یه‌په‌گه‌ی كه جە ئه‌نجاموو ئۊپه‌راسیۊنوو سوپاو توركیوە مەنتیقەو به‌ستاینە گەشمەرڎە بی، به‌خاكی ئسپاریا.
ڕۊو ٢ ته‌مووزی، سوپای ئەرەگیرە مەنتیقەو به‌ستاینە، كه گنۊ بەینوو ناوه‌ندوو شرناخی و مەنتێقەو په‌رواری سه‌ر به پارێزگاو سێرتی، ئۊپه‌راسیۊنێوە سه‌روازیی وه‌رفراوانش دەس پەنە کەرڎ.
ڕۊو ٥ ته‌مووزی مەنتێقەکەنە جەنگ و دایپێوەرە ڕووەش دا و دووۍ گه‌ریلۍ هه‌په‌گه‌ی گەشمەرڎۍ بیۍ. جەنازەکەشا پەی بەشوو تۊكاریی خەسەخانه‌و ده‌وڵه‌تی پەی شڕناخی فاڕیاوە. زانیا كه یۊشا جەنازەو قاره‌مان كاراتاش (به‌نگین بارمانی) ین. دماتەر پەی وشکنای دی ئێن ئەی نموونەو ونۍ جە بنەیانەکەیش ورگیریا و دماو بەرکەوتەی ئەنجاموو وشکناکەی، جەنازەکەشا دێوە پەنە.
به پاو زانیارییه‌كا، بنه‌یانەو گەشمەرڎەکەی شه‌وەی وەڵینە، جەنازەكه‌شا جە به‌شوو تۊكارینە دێنێوە پەنە و پەی به‌خاكئسپارای بەرڎەنشاوە دەگاو بارمانی سه‌ر به سته‌ورای جە پارێزگاو مێرڎینی و شه‌وۍ دێرۍ بەخاکیشا ئسپاران و بنەیانەو گەشمەرڎەی قارەمانی یانەنە پەرسەشا پەی نیان.
س.ز
