جەنگاوەراو 'ڕابەر ئامانۊس'وو سەر بە جمیەری شۊڕشگێڵنیی یۊگێرتەو گەلا (ھەبەدەھە)، جە ئەرەیاوناێوەنە ئەرەیاوناێوەشا وەڵا کەردۊ، بۊنەو پیلانگێڵنیی میاننەتەوەیی ٩و تشرینوو یوەمیوە دژوو ڕابەروو گەلوو کوردی، عەبدوڵڵا ئۊجالانی مێردیننە چالاکییشا کەرڎەن.  

ئەرەیاوناکەینە ئامان: "تووڕەییما وەراوەروو پیلانگێڵنیی میاننەتەوەیی ٩و تشرینوو یوەمی فرەن! پەی شەرمەزارکەرڎەیش، گرد یاگێوە کەرمۍ بە مەیدانوو چالاکی. ئێمە هاواروو گەلوو کوردی کە ماچا 'مەتاودۍ ڕوەکەیما تاریک و سیاو کەرڎێ' یاونمی گرد یاگێوە! ئاویروو تووڕەییما دوژمنی سۊچنۊ!".

بارەو چالاکییەکاو مێردینیوە ئی زانیارییۍ وزیێنۍ ڕووە:

"2ۍ تشرینو یوەمی تەماموو مێردینینە بە هەرمانەو  خەباتوو پڕوپاگەندەی و نویستەی پیلانگێڵنیی میاننەتەوەییما بەنەفرەت کەرد".

شەوەو ٣ۍ تشرینوو یوەمی، سەروو ڕاو نسێبینیوە/ ڕاو ئاوریشمی، بە کۊکتێل مۊلۊتۊڤ هجوومما کەرد سەروو بنکەو پۊلیسی. پۊلیسی فاشیست بە سەیارەو ئاویرکوشنایۊ جوابوو چالاکییەکەیش دایمێوە. دماو ئانەیە چنگێما پێکۍ و جەنگاوەرەکێما بە سڵامەتی ئاگەشا جیا ئاست".

ئاخروو ئەرەیاوناکەیۊ ئامان، پا چالاکییا پیلانگێڵنیی میاننەتەوەیی ٩و تشرینوو یوەم-یما شەرمەزار کەرد، کە دژوو ڕابەروو گەلوو کوردی، عەبدوڵڵا ئۊجالانی کریا، هەم سڵامما چا چالاکییە گیانبازییە کەرد، کە هامڕایاو هەپەگەی 'تابوروو نەمران'ینە کەردشا.  

س.ز