جەنگاوەرێوە ئەڤیندارەو ئازاڎیی: گەشمەرڎۍ ڕاپەڕین رەشیدە
ڕاپەڕین رەشیدە کە هەتا دماساتەکا تەمەنیش گورزەش ئەو دوژمنی شانا و یاوا بە قافڵەو نەمرا، چا ڕوۆ کە بەشدارەو دلۍ خەتەو گەریلای بیە بیە بە ڕەمزەو خەباتی و ڕاسگۆیی.
جەنگەوانەو یەپەژەی ڕاپەڕین ڕەشیدە جە ٩ەمین ساڵیاڎوو گەشمەرڎەبیەیشەنە، جە تەرەفوو بنەیانەکەیشۆ ئەدەنەنە یاڎە کریاوە.
حەسرەت ئایدۆغانە جە بنەیانێوە وڵاتپارێزوو سێرتینە جە شاروو ئەدەنەینە جە ئەڎۍ بیە، چنی چاندوو بۆتانی گەورۍ بیە. هەرێموو بۆتانی جە کۊشیای ئازاڎیی گەلینە گرڎ وەختۍ دەورێوە گرنگش بیەن. ئینەیچ مەڵامەتوو ئانەی بۍ کە حەسرەت ئایدۆغانە فرە زوتەر و عالتەر جمیەروو ئازاڎیی کوردسانی بشناسۆ و نزیکەبۆوە. حەسرەت ئایدۆغانە کە گێڵای پۍ ژیۋایۍ پەڕمانای کەرۍ، جە ساڵەو ٢٠١٢ینە بەشدارەو دلۍ ڕیزەکا گەریلای بیە. دماو ئانەی بیە بە گەریلۍ نامۍ ڕاپەرین رەشیدیش هۊرچنی. ئیتر ئامانجی بنەڕەتیش بی بە مسۆگەرکەردەی ئازاڎیی ژەنۍ و گەلی. سەروو ئی بنەمایۍ پۍ بەقوەتکەردەی کۊشیایش، جە گرڎ مێڎانێنە بە شێوێوە چالاک ژیۋایش ڕایی کەرۍ. ڕاپەرین ڕەشیدە جە کەشەکا کوردسانینە زیاتەر گنۆ چێروو کاریگەری گەریلاکا ژەنێوە.
پۍ ئانەی بتاوۆ بۆنە بە جەنگەوانێوە قارەمانە و فیداکارەو گەلەکەیش جە گرڎ ڕووێوە ۋێش وەڵۍ وزۍ. جە وەختوو هجوومەکا دەوڵەتوو ئەرەگیروو تورکینە پۍ سەروو عەفرینی جە ساڵەو ٢٠١٥ینە پێسە جەنگەوانێوە یەپەژەی لووا پۍ عەفرینی.
ڕاپەرینە بە شێوێوە قارەمانانە جە ۋەرا ۋەروو دوژمنینە جەنگش کەرد و جە ١٣و ئاداروو ٢٠١٥دینە یاوا بە قافڵەو گەشمەرڎا.
ناسنامۍ: ڕاپەرین رەشیدە
نامۍ و دمانامۍ: حەسرەت ئایدۆغانە
نامۍ ئەڎۍ و نامۍ تاتەی: قەدریە – عەلی
شۊنماو وەختوو جە ئەڎابیەی: ئەدەنە ١٩٩٥
وەختوو بەشداریکەردەی: ٢٠١٢
وەختوو گەشمەرڎەبیەی: ٢٠١٥
