هېزەکۍ ڕزگاری عەفرینی جە ئەرەیاۋنېوەنە ئاماژەش پانەی کەرڎەن، کە جەنگەوانېشا جە چوارچېوەو مەرحەلەو دووەموو مدرامانوو سەردەمینە گەشمەرڎەبیەن.

ئەرەیاۋناکەی پی جۊرەنە:

هامڕاما ئېریش زیارەت کە جە چوارچېوەو مەرحەلەو دووەموو مدرامانوو سەردەمینە جە عەفرین بەشڎاریش جە ڕیزەکا هېزەکا پارېزنای عەفرینینە بەشڎاربۍ، جە وەختېنە سەرو ئەرکو ۋېشۊ بۍ، جە هەرېموو عەفرینی جە ١٥ و ئابینە جە میانوو چالاکیېنە گەشمەرڎەبی. هامڕاما ئېرش کە نامۍ ڕاسیەش بەشار ئەحمەڎ بۍ، جە نەتەوەو عەرەبین، جە مەنتیقەو شېراواو سەر بە عەفرینی جە ئەڎۍ بیەن. جە عمری گەنجیشەنە کۊشیای ئازاڎیش ئشناسا و بی بە هۊگرۍ ڕاو ئازاڎیی. سەرو ئا ئەساسیە پېسە چنی ئاخېزوو ۋەرنیشتی جە مودۍ کەمەنە فاڕیا پۍ ئاخېزوو تەمامو مرۊڤایەتی، پېکئاماکۍ ئا هەرېمەیە ۋېشا چا ئاخېزەنە ۋیناوە. سەروو ئا ئەساسیە دژ بە دڕنڎەیی هېزە چەتەکا کە سوریاشا کاول کەرڎەن، کوڕوو کناچۍ ۋېشا کیاستۍ دلۍ ڕیزەکا ئاخېزی. پی جۊرە وەفاڎاری ۋېشا پۍ ئاخېزی نیشانە دا.

سەرەوەشی جە خانەواڎەی بەنرخ و هامڕای گەشمەرڎەیما و گرڎوو گەلی ۋڵاڎپارېزیما کەرمۍ. پېسە هەڤاڵا گەشمەرڎە ئېرشی، ئەرەیاۋنمېش کە وەختۍ حەر هەڤاڵېما گەشمەرڎەبۊ ئانە پا مەعنۍ مۍ کە ئېمە جە دڵ و مەژگمانە ئایشا بە گۊرەیی و زینڎەیی ڕاگېرمۍ. بە دڵنیایۊ ۋەرموو ئامانجەکاشا بەدی مارمۍ و عەلەمەو ڕزگاری کە ڕادەسوو ئېمەشا کەرڎېنە، حەر شۊکیۊوە بۍ شک سەرکۊتەی کەرمۍ بە دیاری گەلەکەیما.

ئشناسنامەو هەڤاڵی گەشمەرڎەیما ئینەن:

ناسنامۍ / ئېریش زیارەت

نامۍ و دمانامۍ / بەشار ئەحمەڎ

نامۍ ئەڎۍ / فکریە

نامۍ تاتەی / زوهېر

شۊنەو وەختوو گەشمەرڎەبیەی/ هەرېموو عەفرینی/١٥ و ئابوو ٢٠٢٣

هـ.ش