جوانێ ئینترناسیۆناڵیستی باسشا چانەیەکەرد، گۆشەگیری رەهاو سەرو ڕابەر ئاپۆی پاشێلکەردەی یاسای میاننەتەوییا و واتشا: "رامان و فەلسەفەو ڕابەر ئاپۆی هیوامان پنە بەخشۆ . پەنەوازا پەی ئازادی عەبدوڵا ئۆجالانی پێوەرە کۆشش بکەرمۍ".
جە گلێرۆبییە سەڎان هەزار کەسیەکەو ١٦و نۆوەمبەرو کۆڵنی کە پەی ئازادی ڕابەر ئاپۆی و چارەسەری پرسو کوردی لواڕاوە، ئینترناسیۆناڵیستەکۍ بە دروشمۆو 'سڵامەکەو ڕابەر ئاپۆی ڕۆشنایی بە ئەرەکۆشای ژەنا بەخشۆنە' بەشدارۍ بیۍ. جوانۍ ئینترناسیۆناڵیستی مین سۆمەرە و سارا بێرگە کە بەشداریشا جە گلێرۊبییەکەینە کەردەبۍ، قسێشا پەی ئاژانسەکەیما کەرڎە و واتشا: "مشۆم پەی ئازادی جەسەیی عەبدوڵا ئۆجالانی پێوەرە کۆشش بکەرمۍ و جە مېڎانەکانە بیمۍ".
هەوڵەکاما پەی ئازادی عەبدوڵا ئۆجالان وزمێنە گەڕ'
جوانە ژەنەی ئینترناسیۆناڵیستی مین سۆمەرە ئانەش وستڕووە، کە ٢٦ ساڵێن ڕابەر ئاپۆ ئینا چێرو گۆشەگیریێ تنینە، ئانە گردو یاسا میاننەتەوەییەکا پاشێل مکەرۆ. حکومەتو ئەڵمانیای و ئەمریکای کە چەسپنای دیموکراسی و مافەکا مرۆڤی بە ئەرکو وێش منیۆرە، چا مژارانە حیچ نمەکەرا. چا مژارانە بە پاو مەسڵەحەتو وێشا جماوە، تا رێککۆتەیە سەروازییەکێشا چنی تورکیای پەی ورەتەو چەکی بەردەوام بۆنە. لاو ئاڎیشاوە پەیوەندییەکێشا چنی تورکیای جە ڕێزگێرتەی جە مافەکا مرۆڤی گرنگتەرا. مەڵامەتش ئانەنە کە کۆمپانیا گەورەکۍ ئەڵمانیای سود چانەیە هورگێرا. جە ئەڵمانیانە دژو کوردا مرداوە، ئانە دووڕوویێ گۆرەن. مشۆم رای گردی میاننەتەوەیی و ئەڵمانیای پەی دمایئاردەی بە گۆشەگیری و پەی ئازادیی جەسەیی عەبدوڵا ئۆجالانی دەمودەس هەوڵەکاشا وزانەگەڕ".
پەی ئازادیی عەبدوڵا ئۆجالانی با پێوەرە کۆشش بکەرمێنە'
جوانە ژەنە سارا بێرگە ئاماژەش پانەیەکەرد، پەی ئازادیی جەسەیی ڕابەر ئاپۆی بەشداریش جە گلێرۊبییەکەینە کەردەن و واتش، "ئێمە ئارۆ پەی ئازادی عەبدوڵا ئۆجالانی ئینایمی چێ و بە جەماوەرەکەو ئێگەیچەنە ئا کەسۍ کە هەڵوێسەکا جە دژو ئۆجالانی قەبوڵ نمەکەرا و گۆشەگیری شەرمەزار مکەرا، ژمارەشا فرەن. لاو ئێمەی ئینترناسیۆناڵیستەکاوە بییە و ئازادی عەبدوڵا ئۆجالانی، هومێڎێوە گۆرەما پنەبەخشۆنە. رامان و فەلسەفەو عەبدوڵا ئۆجالانی هیواما پنەمڎۆ. ئێمە گەرەکمانە پەی ئانەی پێوەرە ئەرەکۆشیەیمۍ و وەرو ئانەیچ ئارۆ ئێمە ئینایمێ چۍ".
