دۆڵەتو ئەرەگیرو تورکی و سوپاکێش بە هامکاری و ئاسانکارییەکا پەدەکەی و بنەیانەو بارزانی هرووژمێوە ۋەرفراوانشا پەی سەرو پانیشتوو کورڎەسانی دەسپنەکەرڎەن، جە ۋەرا ۋەرو ئا خیانەتکارییەینە جوانا قەزاو چەمچەماڵی دژو ئەرەگیریەکا دۆڵەتو تورکی و خیانەتو پەدەکەی بە نامونیشانو، "بنەیانەو بارزانی دژمنو دلێینەی و دۆسو جەلادەکا گەلوو کورڎی" و "گەریلا هێز و باوەڕی گەلوو پانیشتین" دەسشا بە هەڵمەتێوە کەرڎ.

جوانا چەمچەماڵی چا چوارچێوەنە بەمەبەسو ئیڎانەکەرڎەی ئەرەگیریەکا دۆڵەتو تورکی و خیانەتو بنەیانەو بارزانی، پۆستەرۍ و وێنەکۍ ڕابەرو گەلوو کورڎی و گەریلاکا ئازاڎیشا جە دلێڕاسەو بازاڕی و شۊنە گرڎینەکا شارو چەمچەماڵینە هۊرۍ واستۍ.