جوانا شەنگالی ساڵیاڎو ئەرەمەرزنای پەکەکەیشا مبارەک کەرد
بەمەڵامەتو ساڵڕۆو ئەرەمەزنایرەو پەکەکەی شەنگالەنە جوانۍ مەراسیمێوە موبارەک بایشا سازکەرد.
چوارچێوەو موبارەک باییەکا ٢٧و نۆوەمبەرینە کە ٤٦ەمین ساڵڕۆو ئەرەمەزنایرەو پەکەکەین شەنگالەنە بە سەرمەشقایەتی یۆبیەیی جوانا ئێزدی، یۆبییەی ژەنە جوانا شەنگالی و دەسوەڵێ وستەی جوانا عەرەبی مەراسیمێوە موبارەک بایی سازکریا.
مەراسیمەکە جە پارکو سەرۆکایەتی جە دۆڵۊو کەرسێنە لواڕاوە، جە سەرەتانە بەشدارا بە دەیەقێوە بێدەنگی رێزشا ۋنەو یاڎو گەشمەرڏا ئێزدخانی و کوردەسانی گێرت.
حەمۆ شەنگالی بە نامێ جواناوە قسێش کەردۍ و ئەرەیاوناش، "ئێمە ماچمێ ئێ ساڵ مەبۆ بە ساڵەو دماینو گۆشەگیری جە ئیمراڵینە و دماین ساڵەو فاشیزمو دۆڵەتو تورکی.جەنگاوەرا ئازادی کە فیداو ڕابەر ئاپۆینێ بە مڏرامانو و ئەرەکۆشای گۊرەیشا تاریخ منویساوە. ئێمە ٢٧ و نۆوەمبەری چاڎیشا موبارەک مکەرمێنە و سڵام جە مڏرامانو ئاڎیشا مکەرمێنە."
بە نامێ دەسوەڵێوستەی جوانا عەرەبیۆ جەمشید عەرەب قسێش کەردێ و باسش چانەیەکەرد، کە جەسەیەو ئەندێشە و فەلسەفەو ڕابەر ئاپۆینە پێکئامێکێ شەنگالی پەی ژیواێی هامبەشی ئەرەکۆشا.
دماو قسەکا گروپو کەش و شەنگالی سەر بە ناوەندو کلتور و هونەری شەنگالی گۆرانیێش پێشکەش کەردە و مەراسیمەکە بە هۆرپڕای دمایش پنە ئاما.
