گلێرگەو ئیسلامیی کوردەسانی (جیک) بۆنۆو ٨ و ئاداری ڕۆو جەهانی ژەنە کرێکاراوە ئەرەیاونێوە نوویسریاش وەڵاکەردۆ.

جیک ماچۆنە: "ژەنی سەرچەمەو ژیواینە، چەوەتەی ژەنی هەنە، داد و میهرەبانی و ئازادیچ هەن. کاتێ دەنگو ژەنێ کپ کریۆنە، ویژدانو گلێرگەیش کپ کریۆنە".

جیک ئەرەیاونۆنەش ئایینو ئیسلامی حەجگیز ڕا بە فشار پەی سەرو ژەنا مەڏۆنە و گرڏ کاتێ شکۆ بە ژەنێ بەخشۆنە. هەرپاسە ماچۆنە: " ئارۆ ژەنێ کوردێ، بە بڕوا و ئەوەکۆشایشا، بیێنێ سیمبولو ئازادی و شکۆو مرۆڤایەتی. ژەنی، ژیوای، ئازادی تەنیا دروشم نییا؛ ژەنی کوردی بە درێژایی تاریخی گرڏ کاتێ پەی مافو وێشا ئەوەکۆشێنێ. بڕێ جار، بیێنێ بە زانا، بڕێ جار بیێنێ چارەسەرکەرێ، بڕێ جاریچ سەرکردێ.

جە ٨ و ئادارینە، سڵام جە ئەوەکۆشای گرڏو ژەنە کرێکارا جەهانی و بەتایبەت ئەوەکۆشای ژەنا کورد مکەرمێ.  پەی جەهانێوە ئازادترپەر، با قەت دەنگ و دۆعا و ئەوەکۆشای ژەنا کەم نەبۆوە".