جە چوارچوەو زنجیرە چالاکییەکاو ٢٥وو تشرینوو دووەمینە، لاو هێزوو پارێزنای گلێرگەو ژەنا (هەپەجە)یوە، ڕاپیماێوە ڕێک وزیا. بە سەدان ئەرەنیشتێ ڕەقەی، منبجی، مەنسورەی، تەبقای، کانتۆنوو گیرێ سپی و کانتۆنوو کۆبانێ بەشدارێ ڕاپیمایەکەی بێنێ.  

ڕاپیماکەی مەیدانوو ژەنێ ئازاڎێنە دەسش پەنە کەرد و تا مەیدانوو گەشمەرڎە عیگیدی بەرڎەوام بی. میانەو ڕاپیمایەکەینە  پەرچەموو ڕابەروو گەلوو کوردی عەبدوڵڵا ئۆجالانی و هەپەجە ژەنێ ور کریا. دروشموو "نا پەی تندوتیژی دژوو ژەنا" و "ژەنی، ژیوای، ئازاڎی" سەرەمڕ بەرزێ کریێوە.

دماو ئانەی ڕاپیمایەکە یاوا مەیدانوو گەشمەرڎە عەگیدی، بە دەیەقێوە ڕێزگێرتەی جە گیانی پاکوو گەشمەردا پەی یادوو ئا گەشمەرداو ئازاڎییە کریاوە.

ڕاپیماکەی بە واتەیوە  دروشموو "ژەنی، ژیوای، ئازاڎی" دماییش ئاما.