پۍ ماڕای گۆشەگیریی سەروو ڕابەروو گەلوو کوردی عەبدوڵا ئۆجالانی، ١٨ و تشرینوو دووەمی "ڕاپیمای ئازاڎیی" بەرەو گەملیک ئەنجام مڎریۊ.

پەیوەس بە راپیماکەی جە چەنڎین شارېنە، کۆبیەیۊ گەلی لوواڕاوە.

موش

جە مەنتیقەو کۆپی موشی، جە کۆبیەیۊ گەلینە، هامسەرۆکوو جەمەو پەشتیوانی خانەواڎەو زینڎانیا و حوکمدریایا (توای دەر)، واتش: "پۍ ئازاڎیی عەبدوڵا ئۆجالانی، ۋەرپرسیاری ئینا ئەستۊ گردیمانە. پۍ ماڕای ئی گۆشەگیرییە، ١٨ و تشرینوو دووەمی، بەشێوېوە بەقوەت بەشڎارۍ ڕاپیمای بەرەو گەملیکی بیمۍ. جە ٧ تا ٧٠ ساڵی، پەنەوازەن گرڎ بەشدارۍ با. جە گەملیکەنە داواو ئازاڎیی جەستەیی ئۆجالانی کەرمۍ".

هامسەرۆکو یۊبیەی پەشتیوانی و هاریکاری ئا بنەیانۍ رۆڵەکېشا جە لانکەو مرۆڤایەتینە جە دەسدېنۍ  (مەبیا دەر)، داواش کەرڎ پۍ بەشداربیەی جە ڕاپیماکەینە و واتش: "خۊتانکەرڎەی جە خاک و ڕۆڵەکا و زۋان و ۋېما کەرمۍ".

ڕحا

ڕێکوستەی پارتوو یەکسانی و دیموکراسیی گەلا (هەدەپ)و مەنتیقەو سێوەرەگی بە بەشڎاری واتەواچوو مەجلیسوو ژەنا پارتەکەی، خالیدە تورکئۆغلوە، کۊبیەیۊ گەلیش ئەنجامدا.

جە مەجلیسوو پارتوو دیموکراتیکی گەلا (هەدەپە)ی، ساڵح مەڤالی ئەرەیاۋناش، گۆشەگیری سەروو ڕابەروو گەلوو کوردی عەبدوڵا ئۆجالانی بە مدرامان مەڕیۊ.

وتەواچەو مەجلیسوو ژەناو هەدەپی، خالیدە تورکئۆغلوە، واتش: "بەردەوام ستەم جە ئێمەی کوردی کریۊ. بەڵام ئێمە بەردەوام کۊشیەیمۍ. بەردەوام فشار و زۆرداری ۋەران ۋەر بە سەرمەشقا ئی کۊشیایە کریان. ڕۆڵەکېشا حەجگیز کۆکوشی جە یاڎ مەکەرا "، حەرپاسە سەید ڕەزا و هامڕېکېش ۋیرئارڎۍ.

خالیدە تورکئۆغلوە، بانگەوازش کەرڎ پۍ بەشڎاربیەی جە ڕاپیمای ١٨ و تشرینوو دووەمینە جە گەملیک.