گەریلاو یەكینەكاو وەرکەوتوو كوردستانی (یەرەكە)، باهۊز كامیاران، داواش جە گەلوو كوردی وەرکەوتوو کوردسانی و ئێراننە، جە ئازاڎیوازا، مامۊسایا و ئەكادیمییا و ڕۊشنویرا و لایەنگێراو ئیكۊلۊژی و مافوو ئینسانی و ئازاڎیی ڕابەروستەی و مافوو ژەنا و ژیوگەی کەرۊ جە چوارچوەو هەڵمەتەو "ئازاڎیی جەستەیی پەی ڕابەر ئاپۊی، چارەسەر پەی پەرسەو كوردی"، خاوەنداری جە ڕابەروو گەلوو کوردی کەرا.

باهۊز کامیاران، خاوەنداری جە ڕابەروو گەلوو کوردی عەبدوڵڵا ئۊجالانی، بە خاوەندارێتی جە شۊڕشوو ژەنی، ژیوای، ئازاڎی نامۍ منیۊ و ماچۊ؛ ئا ئازاڎیوازۍ دروشموو ژەنی، ژیوای، ئازاڎییشا ورگێرتەن و باوڕشا پەنەشا، مشۊم بە ڕێبازی جیاواز خاوەنداری جە ڕابەروو گەلوو کوردی عەبدوڵڵا ئۊجالانی کەرا؛ چونكوم ڕابەروو گەلوو کوردی عەبدوڵڵا ئۊجالان ئەرەمەرزنەروو فەلسەفەو ئازاڎیی ژەنۍ و گلێرگەی و ئاشتبییەیۊ ئینسانی و سروشتین. پەوکای پەی ئازاڎی و بونیادنیای گلێرگێوە ئەخلاقی پەشتیوانی جە هەڵمەتەو "ئازاڎیی جەستەیی ڕابەر ئاپۊی و چارەسەرووپەرسەو كوردی کەردێ".

ئا گەریلایەو یەرەكەیە ئانەیجە ماچۊ، تا وەر بە سیاسەتی جەنگوازانەو وەڵاتە زلهێزە جیهانی و دەسەڵاتوازەكا گێرمۍ، ڕابەروو گەلوو کوردی عەبدوڵا ئۊجالان سیستمێوە یاگەدارش وستەن وەڵۍ، کە وێش جە نەتەوەی دیموكراتیك، سیستمی كۊنفدرالیزمی دیموكراتیكی و وێڕاوەبەری دیموكراتیكینە وینۊوە و پەشتی بە پارادایموو، بونیادنیای گلێرگەی دیموكراتیكی و ئەخلاقی، ئازاڎیی ژەنۍ و ئیكۊلۊژی بەسۊ. ئانۍ لایەنگێرۍ ئاشتی و ئازاڎیینۍ و دژ بە جەنگی و كاولكارینۍ با پەشتیوانیی جە ڕابەروو گەلوو کوردی عەبدوڵا ئۊجالانی کەرا.  

گەریلاكەو یەكینەكاو وەرکەوتوو كوردستانی ئاماژە پانەیە کەرۊ؛ خاوەندارێتی جە ئازاڎیی ڕابەروو گەلوو کوردی عەبدوڵا ئۊجالانی پەی گەلوو كوردی یانۍ گەرەنتیی ئازاڎیی كوردستانی و نەتەوەو كوردی، خاوەندارێتی جە ئازاڎیی ڕابەروو گەلوو کوردی عەبدوڵا ئۊجالانی شەرەف و كەرامەت و سەلەمنای خاوەندارێتیین جە گرڎوو گەشمەرڎاو كوردی و كوردستانی.

تەماموو بانگەوازەکەو باهۊز کامیارانی پێسنەنە:  

"سەرەو ڕێز و سپاسی کۊمنوورە ۊەیگرڎوو ئانیشا کە ڕاو ئازاڎی و سەربەسیی وەڵاتەكەیشانە و بەیەكسانی ژیوای گەلانە و گرڎوو ئینسانیەتینە شۊڕششا كەرد و گیانوو وێشا بەخت كەرد، پەی ئازاڎیی وەڵاتەكەیشا سەرەو ڕێز و حورمەتی کۊمنوورە.  دیسانۊ ڕێز و حورمەتوو وێم  کەروو بەدیاری پەی كەسێوە كە ئارۊ و سەوای و دماڕۊ پەی ئازاڎیی ڕابەر ئاپۊی هەرمانە و وەرپەرسبییەی ئەخلاقیی وێش پێک مارۊ و خاوەندارێتیی جە ئازاڎیی ڕابەرئاپۊی کەرۊ و سڵامشا وەنە کەروونە و هومێدوو سەركەوتەیشا پەی موازوو.

سەدان ساڵێن کە گەلوو کوردی و كوردستان دەسوو گرڎوو ئەرەگیرا و  سیاسەتوو جیهانیوە یانۍ ئیمپریالیزمیوە مناڵنۊ، كە سەدان ساڵێن ئینا چێروو قڕكەرڎەی و سیاسەتێوە بێ‌باوەڕیینە، سیاسەتێوە پارچەبییەی دلۍ کوردینە وەششا کەرڎەن، گرڎوو گەلوو كوردیشا چێروو قڕكەرڎەی و بێ‌باوەڕیتەنۊ، هەوڵێشا دۍ، پا سیاسەتەیە گرڎ سەركردێوە كوردی چێروو كۊكوشی و قەنارەینە، گرڎشێوازێوە كە سەركرڎەكاو كوردی پەی نموونەی، کە بتاومۍ ئاماژەشا پەنە کەرمۍ، کە پەی گەلوو کوردی وێشا کەرڎەن فیدایی پێسە سەید ڕەزا، شێخ سەعید، ئیسماعیل خان(سمكۊ)، گەشمەرڎە پێشەوا قازی محەمەد، دكتۊر قاسملۊ و گەشمەرڎە شەرەفكەندی و كاك فواد مستەفا سوڵتانی و سلێمان موعینی و سدیق كەمانگەر و فرە تەرێچ كە ئارۊ گەل شانازییشا پۊوە کەرۊ، هەر چواربەشوو كوردستانینە ئانەیە مزانمۍ كە سەركرڎایەتییشا بە دڵسۊزیوە  پەی گەلوو كوردی کەرڎەن و پەی وەڵاتەكەیشا گەشمەرڎێبیێنۍ و گرڎوو كوردی شانازییشا پۊوە کەرۊ، ئارۊ ئەگەر ئینسان  وەرەچەمش گێرۊ ئا قارەمانۍ و هەزاران هەزار قارەمانۍ ‌تەرۍ، كە شۊڕشگێڵنییشا کەرڎەن بە نامۍ پێشمەرگەی و گەریلایوە گەشمەرڎێبیێنۍ، خاك  و گەلوو كوردی شانازییشا پۊوە کەرۊ. دوژمنۍ هەمیشە سیاسەتێیای کورڎا مرڎۊ و کورڎێقەت نەمردێنۍ، وەلۍ دوژمن هەوڵێش دێنۍ کەرۊشا دژوو یۊترینی و کەرۊشا دوژمنوو نەتەوەو عەرەبی، توركی، فارسی و مەژگوو كوردیچ پاسەش سەر ئامانکە ئیتر دوژمنێمانۍ، وەلۍ ئیسەنە سیاسەت و فكروو ڕابەر ئاپۊی دیارییش کەرد، کە نەك نەتەوەكۍ دژوو ئێمە نییەنۍ ئارۊ هەزاران گەریلۍ هەنۍ سەلەمنانشا جەنگنە کەئینۍ دلۍ پارتێوەنە کە نامێش پەکەکەن، ئیساتۍ كورڎێو عەرەبۍ ئینۍ سەنگەرێوەنە فارسۍ و كورڎۍ ئینۍ سەنگەرێوەنە، ئا سیاسەوو پارچەبیەی و بێباوەڕییە كە وەراوەروو كوردی وەششا کەرد، ڕابەر ئاپۊی بەتاڵ و پووچ کەرڎۊ.

ئارۊ وەختۍ کە یۊ ماچۊ كورڎایەتی یاگۍ شانازییا، پەی ئێمە ئا وەڵات و کورڎایەتینە کە شانازییش پۊوە کەرمۍ. ئارۊ سیاسەتوو بەری و ئیمپریالیزم و ئەرەگیراو کوردسانی، سەد ساڵ کەرد سەروو هەرچوارئەرەگیراو کوردسانیرە و واوەی دەسوو یۊترینیشا گێرت و ڕابەر ئاپۊیچشا گێرت، كەسێوە کە شۊنە و ئا گرڎ گەشمەرڎاوە بۍ پێسە وێچش ماچۊ: ڕابەرئاپۊ شۊڕشش کەرد  و وێش فیدایی کەرد و پارتێوەش وەش کەرد بە نامۍ پەكەكە هەم هێزێوەش وەش کەرد بە نامۍ هێزوو ژەنێوە. و سیاسەتیوە بە نامۍ سیاسەتی دیموكراتیك و یەكسانی ژیوای و كۊنفیدڕاڵیزمی دیموكراتیوە، كە ئارۊ گرڎوو گەلا متاوا دلۍ ئا سیاسەت و فكرەینە دلێشەنە بژیوا.ئارۊ موینمۍ دنیانەفرەو خەڵکە ئازاڎیوازا، بە خاوەنداریی جە ڕابەر ئاپۊی و فکر و ئەرەمەنی ئازاڎیوە بەرۍ کەوتۍ. وەختۍ مارمێش وەروو چەما، گەلوو کوردی هەر چواربەشوو كوردستانینە و ئەوروپانە و حەریاگێونە کە کورد بۊ و سیاسەتێوە، كە سەروو ڕابەر ئاپۊیۊ بۊ و هەم سەروو گەلوو كوردیوە بیاویۊ یاگۍ، ئێمە وەرەچەمش گێرمۍ، كە ئینە ئا سیاسەتەنە، كە 25ساڵێن ڕابەر ئاپۊ ئینا زینداندانەنە، پارتێوە كە وەشش کەرڎەن، وزاش دلۍ لیستوو تیرۊریوە، یان ماچا تیرۊریستا، ئینسان مشۊم ویرێش چەنە کەرۊوە، بەڕاسی ویرۊکەرڎەی کەسێوە کە پەی مافوو نەتەوەكەیش پەی مافوو ئازاڎی و سەربەسیی وەڵاتەكەیش و پەی حەق و یەكسانیی ژیوای گەلا بە تیرۊریست نامۍ بریۊ، ئانە مزانمۍ کە سیاسەتوو دوژمنین تا کورد هەمیشە بێ‌باوەڕ بۊ. ئا باوەڕە ئارۊنە ڕابەرئاپۊی وەش کەرڎەن، دلۍ گرڎوو گەلانە و پەکەکەینە و هەر چوار بەشوو كوردستانینە پارتۍ هەنۍ، ورگیرۍ فكروو ڕابەرئاپۊینۍ ئەنجام و دەستكەوت و فیدایببییەی ڕابەرئاپۊیشا ئارۊنە سەلەمنان. ئێمەیچ پێسە كوردی گرڎما ئەگەر هەستوو وەنەقۊمیای و سیاسەتوو ئەرەگیری و قڕكەرڎەی و زوڵم و بێ‌دادیی نەتەوەکەیما بەڕاسیی هەست پەنە کەرمۍ.مشۊم ئارۊ بزانمۍ کە هجوومێوە هەن سەروو ڕابەرئاپۊیۊ و فشارێوە هەن سەرشۊ، کە مشۊم وێما بە هاگادارش بزانمۍ. وینمۍ گەلۍ ئازاڎیوازۍ دنیانە گرڎشا هەڵوێستشا هەن و ئازاڎیی ڕابەر ئاپۊیشا وستەن وەڵۍ وێشا، ئێمەیچ پێسە گەلوو كوردی كە شانازی بە نەتەوەو كوردی و كوردستانیوە کەرمۍ و سیاسەتوو كورڎا هەمیشە یەكسانی ژیوای بییەن و سیاسەتوو ڕابەرئاپۊیچ سەلەمنانش ژیواینە، ئارۊنە یەكسانیی گەلا و گرڎوو ڕەنگەکا دلۍ سیستموو ڕابەرئاپۊینە متاوا بژیوا و شانازییش پۊوە کەرا. خاوەنداریکەرڎەی جە ئازاڎیی ڕابەرئاپۊی پەی گەلوو كوردی یانۍ گەرەنتیی ئازاڎیی كوردستانی و نەتەوەو كوردی و خاوەنداری جە ئازاڎیی ڕابەرئاپۊی شەرەف و كەرامەت و سەلەمنای خاوەنداریین جە گرڎوو گەشمەرڎاو كوردی و كوردستانی.

بەرکەوتەی پەی ڕابەر ئاپۊی و خاوەنداریوەنەکەرڎەیش بەراسی سەلەمنای شەرەف و ئیمان و كەرامەت و ویژدان و حەقوو ئینسانیبییەین، ئینسان بواچۊ، کە گرڎوو ژیوایم پێسە ئینسانیوە مژیوو پەی فکر و ئەرەمەنەی ڕابەر ئاپۊی و سیاسەتیوەم گەرەکا کە سیاسەتوو گرڎوو گەلا بۊ و دوور بۊ جە جەنگی و ئاژاولۍ و کە ئیسەنە سیایسەتوو ڕابەر ئاپۊین و مشۊم خاوەندارییش ونە کەرمۍ، چونکوم ڕابەرئاپۊ سیاسەتێوە چانەش گێرتەنرە وەر ئێمەیچ مشۊم چا سیاسەتو فکرینە بەرۍ گنمۍ. هەتا ئینسانۍ ڕۊشنویرۍ و هونەرمەندۍ و زانۍ و ئینسانگەلێوە  كە هەستوو ئازاڎی و یەكسانییشا هەن، گرڎ کەسێوە  ئینا دلۍ وەرگێرینە  و هەڵوێستش هەن و بەتایبەت پەی گرڎوو كوردستانی و گەلوو وەرکەوتوو كوردستانی؛ گەلوو وەرکەوتی پەی خاوەنداریکەرڎەی جە رابەر ئاپۊی  مشۊم دەوروو وێشا گێڵنا، چەنی دەس پەنە کەرا پەی ئازاڎیی ڕابەرئاپۊی؟ ڕابەرئاپۊ ئارۊ جیای ئا گرڎوو گەشمەرڎا و گرڎوو سەرکرڎەکاو كوردی و كوردستانی ئینا زیندانەنە، زیندانیکەرڎەی ڕابەرئاپۊ زیندانیكەرڎەی نەتەوەو كوردی و كوردستانین، گەلوو وەرکەوتی و  ئێمەیچ  پێسە گەریلایۍ دلۍ پارتوو ڕابەرئاپۊینە داواما ئانێنە جە گەلوو وەرکەوتی پێسە چەنی جە شۊڕشوو ژەنی ژیوای ئازاڎی‌ینە دەوروو وێشا گێڵناشا، پەی ئازاڎیی ڕابەرئاپۊی، كە دیارا ئازاڎیی ڕابەرئاپۊی ئازاڎیی كوردستانین و گەرەنتیی شەرەف و كەرامەتوو ئینسانیەتین. خاوەنداریکەرڎەی جە ئازاڎیی ڕابەر ئاپۊی ئارۊنە سیاسەتێوە ئەخلاقیین، پێسە گەلوو كوردی و كوردستانیچ وەرکەوتەنە  مشۊم ئێمە ئێمە دەوروو وێما گێڵنمۍ داواما ئانینە کە گرڎ کوردیوە ژەنی یان گەنج یا پیر پەی ئازاڎیی ڕابەر ئاپۊی دەوروو وێش گێڵنۊ و ئازاڎییش بە ئازاڎیی وێش بزانۊ . چون دوژمن دایم پەنەش وەشا کورد بێفکر و بۍ هەڵوێست بۊ و بە بندەسی بژیوۊ. ڕابەرئاپۊ وێش کەرڎەن فیدایی و پەی ئا مافەیەی و مافوو ئێمەیچا وەرگێریی کەرمۍ تا دەسکەوتەی ئا مافەیە جە لایەنی ویژدانی و ئەخلاقیوە  هاگادارۍ پەرسەو ڕابەر ئاپۊی بیمۍ  و شۊڕشوو ژەنی ژیوای ئازاڎی، كە فكروو ڕابەرئاپۊینە سەرەش ورڎا و سەلەمیا، کە وەرنیشتیچنە بە سەرمەشقبییەی ژەنە ئازاڎا سەرکەوت، ئا شۊڕشە کە ئارۊ وەرکەوتنە سەرەش ورڎان ئانە نیا، کە واچی ساڵۍ بۍ و ئیتر تەمام  دلۍ گەلی و ئینسانیەتینە مشۊم هەمیشە ویرما بۊ کوردساننەنە و بەتایبەت وەرکەوتنە، ئەگەر شۊڕشێوە بۊ بە ژەنی ژیوای ئازاڎیوە دەس پەنە کەرۊ و هەرگیز نائومێدۍ مەبیدۍ  چوون دوژمن هەمیشە هەوڵۍ ئانەیە مدۊ، كە سەركوتش کەرۊ و وەلۍ ئیتر ئانە سەلەمییان دلۍ دنیێچەنە کە شۊڕشێوە  وەرکەوتنە و کوردساننە و ئێراننە کریا بە نامۍ ژەنی ژیوای ئازاڎیوە سەرمەشقییش کریا. ژەنیچ دەوروو وێشا دیشا چی شۊڕشەنە و وەرکەوتوو کوردسانینە و ئێرانیچەنە. ئارۊیچ مشۊم سەروو هەمان هەست و باوڕیە وێما ڕێکۍ وزمۍ و گنمۍ وەڵۍ. پەی ئازاڎیی كورد و كوردستانی و سەروو ئەساسوو شۊڕشوو ژەنی ژیوای ئازاڎی هەوڵدای ئانەیما دایمە بۊ و نائومێدۍ نەبیمۍ چوون دوژمن هەمیشە و وەڵتەریچ سیاسەتش چانە بیەن و هەمیشە بێ‌باوەڕیش چەقنان و  گەرەکشا کورد بێ‌باوەڕ بۊ و، هەتا پەی حەر شۊڕشێوە بتاوۊ پەی مافەكەو وێچش شۊڕشیوە دەس پەنە کەرۊ، دایم بێباوەڕ ئازیانۊ و چەمش جە سیایسەتوو بەریوە بیەن. جە فكرووو ڕابەرئاپۊینە گرڎوو دنێۍ مزانۊ چەمش نیا سیاسەتو بەریوە و باوەڕش بە وێشا یانۍ ئێمەیچ سەروو فكر و مەنەیرە ڕابەرئاپۊی باوەڕما بە سیاسەت و فكر و هێز و باوەڕوو وێما هەن و بە گەلوو وێما  باوەڕ کەرمۍ و متاومۍ سەدەنە سەد گەرەنتی کەرمۍ كە سەرگنمۍ بەنامۍ شۊڕشوو ژەنی ژیوای ئازاڎییوە وەرکەوتوو كوردستانینە".